Veður

All­djúp lægð fer yfir og gular við­varanir um mest allt land

Atli Ísleifsson skrifar
Svona verður staðan klukkan 18 í dag samkvæmt spá Veðurstofunnar.
Svona verður staðan klukkan 18 í dag samkvæmt spá Veðurstofunnar. Veðurstofan

Alldjúp lægð fer norðaustur fyrir vestan land í dag og fylgir henni vaxandi suðvestanátt, víða hvassviðri eða stormur eftir hádegi og sums staðar rok. Búast má við rigningu sunnan- og vestantil og hlýtt í veðri, en að draga muni aðeins úr vindi og kólni seint í kvöld.

Búið er að gefa út gular viðvaranir um mest allt landið – fyrir höfuðborgarsvæðið, Suðurland, Faxaflóa, Breiðafjörð, Vestfirði, Strandir og Norðurland vestra, Norðurland eystra, Austurland að Glettingi og Austfirði.Taka þær gildi um miðjan dag í dag og gilda fram á kvöld eða í nótt.

„Á morgun minnir veturinn á sig, það er spáð suðvestan 10-18 m/s með éljum sunnan- og vestanlands. Hiti 0 til 5 stig.

Á laugardag er útlit fyrir sunnan kalda eða stinningskalda með rigningu eða slyddu, en skýjuðu og þurru veðri á norðaustanverðu landinu,“ segir í hugleiðingum veðurfræðings.

Gular viðvaranir hafa verið gefnar út um mest allt land.Veðurstofan

Veðurhorfur á landinu næstu daga

Á föstudag: Suðvestan 10-18 m/s og él, en léttskýjað á NA- og A-landi. Hiti 0 til 5 stig. Lægir heldur síðdegis.

Á laugardag: Suðvestan 8-13 og rigning eða slydda, en þurrt NA- og A-lands. Hiti 1 til 7 stig.

Á sunnudag: Suðlæg átt og bjart veður, en skýjað og lítilsháttar væta á S- og V-landi. Hiti 2 til 7 stig, en kringum frostmark NA-til á landinu.

Á mánudag og þriðjudag: Suðaustanátt og rigning með köflum, en úrkomulítið N-lands. Fremur milt í veðri.

Á miðvikudag: Líklega suðlæg átt með rigningu eða slyddu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.