Fótbolti

Messi og Ronaldo saman í riðli í Meistaradeildinni

Ingvi Þór Sæmundsson skrifar
Messi og Ronaldo eru í fyrsta sinn saman í riðli í Meistaradeild Evrópu.
Messi og Ronaldo eru í fyrsta sinn saman í riðli í Meistaradeild Evrópu. getty/Alexander Hassenstein

Lið þeirra Lionels Messi og Cristianos Ronaldo, Barcelona og Juventus, eru saman í riðli í Meistaradeild Evrópu. Þetta er í fyrsta sinn sem þeir Messi og Ronaldo mætast í riðlakeppni Meistaradeildarinnar. Auk þeirra eru Dynamo Kiev og Ferencváros í G-riðli.

Dregið var í riðlakeppni Meistaradeildarinnar í Genf í Sviss í dag.

Manchester United er í afar erfiðum riðli með Paris Saint-Germain, RB Leipzig og Istanbul Basaksehir. PSG komst í úrslit Meistaradeildarinnar á síðasta tímabili og Leipzig í undanúrslit.

Englandsmeistarar Liverpool eru í D-riðli með Ajax, Atalanta og Mikael Neville Andersson og félögum í Midtjylland.

Ögmundur Kristinsson og félagar í Olympiacos eru í C-riðli með Porto, Manchester City og Marseille. Chelsea er í E-riðli með Evrópudeildarmeisturum Sevilla, Krasnodar og Rennes.

Evrópumeistarar Bayern München eru í A-riðli ásamt Atlético Madrid, Salzburg og Lokomotiv Moskvu.

Riðlakeppni Meistaradeildarinnar hefst þriðjudaginn 20. október.

Riðlarnir í Meistaradeild Evrópu 2020-21

A-riðill

  • Bayern München
  • Atlético Madrid
  • Salzburg
  • Lokomotiv Moskva

B-riðill

  • Real Madrid
  • Shakhtar Donestk
  • Inter
  • Borussia Mönchengladbach

C-riðill

  • Porto
  • Man. City
  • Olympiacos
  • Marseille

D-riðill

  • Liverpool
  • Ajax
  • Atalanta
  • Midtjylland

E-riðill

  • Sevilla
  • Chelsea
  • Krasnodar
  • Rennes

F-riðill

  • Zenit
  • Borussia Dortmund
  • Lazio
  • Club Brugge

G-riðill

  • Juventus
  • Barcelona
  • Dynamo Kiev
  • Ferencváros

H-riðill

  • PSG
  • Man. Utd.
  • RB Leipzig
  • Istanbul Basaksehir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.