Fótbolti

Guðbjörg mætt í markið sjö mánuðum eftir fæðingu tvíburanna

Sindri Sverrisson skrifar
Guðbjörg Gunnarsdóttir kýlir boltann í leiknum í gær.
Guðbjörg Gunnarsdóttir kýlir boltann í leiknum í gær. mynd/@DIF_Fotboll

Guðbjörg Gunnarsdóttir, landsliðsmarkvörður í fótbolta, sneri aftur út á fótboltavöllinn í gær, sjö mánuðum eftir að hafa fætt tvíbura.

Guðbjörg lék síðast með liði sínu Djurgården í Svíþjóð í maí í fyrra. Hún sneri aftur á völlinn með U19-liði félagsins í gær í 1-1 jafntefli við Brommapojkarna.

Ekki er ljóst hvenær Guðbjörg snýr aftur í markið hjá aðalliði Djurgården en liðið er í 7. sæti af 12 liðum í sænsku úrvalsdeildinni. Næsti leikur liðsins er gegn Rosengård á sunnudaginn og Djurgården fær svo Kopparberg/Gautaborg í heimsókn 13. september.

Íslenska landsliðið á fyrir höndum afar mikilvæga leiki við Lettland og Svíþjóð 17. og 22. september, í undankeppni EM, en spurningin er hvort að þeir leikir séu ekki of snemma fyrir varafyrirliðann.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.