Viðar Örn búinn að opna markareikninginn í Tyrklandi

Viðar Örn Kjartansson hefur opnað markareikning sinn í tyrknesku úrvalsdeildinni en hann skoraði eina mark Yeni Malatyaspor í 2-1 tapi gegn Kayserispor í dag.

Tyrkland er eitt fárra landa sem hefur ekki enn frestað íþróttaviðburðum sínum til að sporna gegn útbreiðslu kórónuveirunnar. Svo virðist sem samkomubann sé samt sem áður komið á en leikið var fyrir luktum dyrum í dag.

Viðar Örn nýtti allavega tækifærið þegar hann braut ísinn fyrir lið sitt Yeni Malatyaspor í dag. Því miður dugði það skammt er liðið var 2-0 undir þegar Viðar kom inn af varamannabekknum í hálfleik.

Lokatölur 2-1 og Malatyaspor í vondum málum í tyrkensku úrvalsdeildinni. Kayserispor situr enn á botni deildarinnar en sigurinn gefur þeim svo sannarlega von um að halda sæti sínu í deildinni. 

Malatyaspor er nú aðeins markatölu frá fallsæti eftir 2-1 tapið í dag.