Rooney skoraði úr Panenka-víti í afmælisleiknum

Sindri Sverrisson skrifar
Wayne Rooney skoraði úr þessari skemmtilegu vítaspyrnu.
Wayne Rooney skoraði úr þessari skemmtilegu vítaspyrnu. vísir/getty

Derby og Fulham gerðu 1-1 jafntefli í ensku B-deildinni í fótbolta í kvöld. Þetta var 500. deildarleikur Wayne Rooney á Englandi og hann skoraði mark Derby.

Rooney kom Derby yfir á 55. mínútu með marki úr víti sem hann skoraði með lúmskri Panenka-spyrnu. Aleksandar Mitrovic jafnaði metin fyrir gestina frá Lundúnum á 71. mínútu og þar við sat.

Fulham missti þar með af mikilvægum stigum í baráttunni um sæti í úrvalsdeild en liðið er í 3. sæti með 57 stig, tveimur stigum á eftir Leeds og sex stigum á eftir toppliði West Brom, sem bæði eiga leik til góða á Fulham. Derby er í 12. sæti með 45 stig, átta stigum frá umspili.

Bein lýsing

Leikirnir






    Fleiri fréttir

    Sjá meira