Sport

Sara eftir Wodapalooza: Veit nákvæmlega hvað ég þarf að gera núna

Óskar Ófeigur Jónsson skrifar
Sara Sigmundsdóttir mætir til leiks í eina greinina á Wodapalooza CrossFit í Miami.
Sara Sigmundsdóttir mætir til leiks í eina greinina á Wodapalooza CrossFit í Miami. Mynd/Instagram/sarasigmunds

Íslenska CrossFit konan Sara Sigmundsdóttir þurfti að sætta sig við annað sætið á eftir heimsmeistaranum Tiu-Clair Toomey á Wodapalooza CrossFit mótinu um helgina en það virðist hafa aðeins verið bensín á tankinn að tapa fyrir Ástralanum öfluga.

Mótið var sett upp sem einvígi á milli þeirra og þessar frábæru CrossFit konur stóðu svo sannarlega undir nafni. Tia-Clair Toomey, sem hefur verið í sérflokki síðustu árin, hefur sjaldan þurft að hafa eins mikið fyrir sigrinum og einmitt á þessu móti um helgina.

Sara Sigmundsdóttir varð kannski 38 stigum á eftir Tiu-Clair Toomey en hún náði einu sem Tia náði ekki. Sara var sú eina sem var inni á topp tíu í öllum greinunum. Slakasti árangur Söru var tíunda sætið en munurinn á henni og Tiu var að Ástralinn vann fjórar greinar en Sara endaði aftur á móti í öðru sæti í þremur greinum.


Sara var meðal fimm efstu í sjö af níu greinum mótsins og sýndi þar magnaðan stöðuleika. Hún endaði síðan einu sinni í sjötta sæti og einu sinni í tíunda sæti. Lakasti árangur Tiu var ellefta sæti.

Þetta var í sjöunda skiptið sem Sara kemst á pall á Sanctional móti en hún hefur unnið þrjú þeirra. Tiu-Clair Toomey sló met þeirra tveggja með því að vera fyrsta konan til að vinna fjögur Sanctional mót á ferlinum.

Sara þakkaði fyrir sig í stuttum pistli á Instagram síðu sinni en fram undan hjá henni er að skipta sólinn á Flórida út fyrir snjó og taka aftur upp harðar æfingar á Íslandi.

„Takk fyrir Miami fyrir alla orkuna og góðu straumana. Í sannleika sagt er ekkert mót eins og Wodapalooza. Þetta mót er eitt í úrvalsflokki og það er magnað og mikill heiður að keppa fyrir framan þennan áhorfendahóp sem stækkar með hverju ári. Takk fyrir að gera þetta svona sérstakt,“ skrifaði Sara.

„Nú er bara að fara aftur heim og byrja að vinna í mínum málum. Ég veit nákvæmlega hvað ég þarf að einbeita mér að og ég gæti ekki verið meira tilbúin í restina af tímabilinu. Það engin hvíld fram undan,“ skrifaði Sara eins og sjá má hér fyrir neðan.


 
 
 
View this post on Instagram

Thank you Miami for the energy and vibes. There is honestly no event like @wodapalooza. It’s in a league of its own and competing in front of this amazing crowd that grows bigger and bigger with every passing year is an honour. Thank you all for making it so special Now I go back home and straight to work. I know exactly what I want to focus on and I could not possibly be more fired up for the rest of the season. No rest for the wicked ⁣⁣@niketraining #niketraining #justdoit @FitAID #teamFitAID #FitAID @unbrokenrtr #teamunbroken #gounbroken #realtimerecovery @trifectasystem @roguefitness #Ryourogue #roguefitness @compexusa #compexusa #musclestim #crossfit @fatgripz #fatgripz @bluecarrental @m2performancenutrition @lysi.life @lysi_us @foodspring_athletics @baklandmgmt #simmagym

A post shared by Sara Sigmundsdóttir (@sarasigmunds) on



Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.