Erlent

Kórónu­veiru­smit stað­fest á Nýja-Sjá­landi, Litháen og Hvíta-Rússlandi

Margrét Helga Erlingsdóttir skrifar
Faraldurinn er í mikilli útbreiðslu og hefur nú náð til fimmtíu landa.
Faraldurinn er í mikilli útbreiðslu og hefur nú náð til fimmtíu landa. Getty

Heilbrigðisyfirvöld á Nýja-Sjálandi tilkynntu í morgun um fyrsta kórónuveirusmitið í landinu. Maðurinn sem sýktist er á sjötugsaldri og var hann nýkominn frá Íran þar sem ástandið er bagalegt.

Auk Nýja-Sjálands greindist vírusinn í fyrsta sinn sunnan Sahara á síðasta sólarhring en ítalskur ríkisborgari sem starfar í Nígeríu sýktist af veirunni en hann hafði nýsnúið aftur til Lagos í Nígeríu frá Mílanó.

Ný tilfelli eru einnig staðfest í fyrsta sinn í Hvíta-Rússlandi og Litháen. Faraldurinn er í mikilli útbreiðslu og hefur nú náð til fimmtíu landa.

Sérfræðingar Alþjóðaheilbrigðismálastofnunarinnar segja að ólíklegt sé að nokkur þjóð muni sleppa við veiruna.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.