Wenger á að hafa hafnað Barcelona

Arsene Wenger er sagður hafa hafnað þjálfarastarfinu hjá Barcelona. Franski miðillinn Le 10 Sport greinir frá.

Wenger yfirgaf Arsenal árið 2018 eftir 22 ára veru á Highbury og Emirates-leikvöngunum og hefur ekki þjálfað síðan.

Hann hefur verið í starfi hjá FIFA en hann er sagður hafa hafnað því að taka við Barcelona-liðinu af Quique Setien.

Barcelona hefur verið í smá vandræðum á þessari leiktíð. Liðið endaði í 2. sæti spænsku deildarinnar og það gekk mikið á.

Wenger á að hafa rætt við forráðamenn Barcelona og sýnt starfinu áhuga en á endanum er hann sagður hafa sagt nei.

Á föstudaginn spilar Barcelona í átta liða úrslitum Meistaradeildarinnar er þeir mæta þýsku meisturnum í Bayern Munchen.