Innlent

Bein útsending: Upplýsingafundur almannavarna

Tryggvi Páll Tryggvason skrifar
Frá fundi dagsins.
Frá fundi dagsins. Mynd/Lögreglan

Boðað hefur verið til upplýsingafundar í dag vegna kórónuveirufaraldursins. Fundurinn hefst klukkan 14.03 og verður hann í beinni útsendingu á Vísi, sjónvarpsstöðinni Stöð 2 Vísi og á Bylgjunni.

Alma Möller, landlæknir og Þórólfur Guðnason, sóttvarnalæknir, fara yfir stöðu mála, varðandi framgang COVID-19 faraldursins hér á landi ásamt Víði Reynissyni, yfirlögregluþjóni. Gestur fundarins verður Una Hildardóttir, formaður Landssambands ungmennafélaga.

Hér að neðan má fylgjast með fundinum í beinni útsendingu, auk þess sem að þar fyrir neðan má fylgjast með framvindu fundarins í beinni textalýsingu.

Enginn greindist með kórónuveiruna sem veldur Covid-19 innanlands í gær. Þrír greindust hins vegar með virk smit við landamæraskimun, einn greindist með mótefni og beðið er niðurstöðu úr mótefnamælingu hjá tveimur til viðbótar.

289 sýni voru greind á sýkla- og veirufræðideild Landspítala og 3.105 á landamærunum. Þá voru 56 sýni greind hjá Íslenskri erfðagreiningu. Samkvæmt upplýsingum á covid.is eru 114 í einangrun eins og í gær og 839 eru í sóttkví.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
Velkomin á Vísi. Þessi vefur notar vafrakökur. Sjá nánar.