Enski boltinn

Kenny Dalglish verður viðloðandi bikarafhendingu Liverpool

Anton Ingi Leifsson skrifar
Jurgen Klopp og Dalglish á góðri stundu.
Jurgen Klopp og Dalglish á góðri stundu. vísir/getty

Það verður stuð og stemning er Liverpool lyftir enska meistaratitlinum í næstu viku eftir þrjátíu ára bið.

Liverpool varð enskur meistari undir lok síðasta mánaðar en þeir hafa verið langbesta liðið á Englandi í ár.

Bikarafhendingin verður eftir leikinn gegn Chelsea næsta miðvikudag er liðin mætast á Anfield en það er síðasti heimaleikur Liverpool þetta tímabilið.

Félagið hefur fengið leyfi frá ensku úrvalsdeildinni til þess að Kenny Dalglish, goðsögn hjá félaginu, fái að taka þátt í bikarafhendingunni en hann mun afhenda leikmönnum og þjálfurum Liverpool gullmedalíurnar.

Dalglish varð fimm sinnum enskur meistari með Liverpool sem leikmaður, einu sinni sem spilandi þjálfari og þrisvar sinnum sem stjóri. Einnig varð hann einu sinni enskur meistari með Blackburn.

Enginn afhending verður þó á bikarnum heldur mun Jordan Henderson, fyrirliði liðsins, sækja bikarinn sjálfur af litlum palli sem verður inni á vellinum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.