Veður

Víða bjart­viðri á landinu

Atli Ísleifsson skrifar
Spákortið fyrir klukkan 14 eins og það leit út í morgunsárið.
Spákortið fyrir klukkan 14 eins og það leit út í morgunsárið. Veðurstofan

Útlit er fyrir fremur hæga norðanátt, þó að suðvestantil megi reikna með vestan 5 til 10 metrum síðdegis. Víða verður bjartviðri, þó hlé kunni að verða þar á í síðdegisskúrum, helst um landið sunnanvert.

Í hugleiðingum veðurfræðings segir að á morgun þykkni heldur upp sunnan- og suðaustanlands.

„Vindur verður áfram víða hægur og nokkuð hlýtt í veðri, en heldur svalt um austanvert landið. Búast má við austlægari áttum eftir því sem líður á vikuna. Við það lækkar hiti víða og líkur aukast á vætu, einkum syðst á landinu.“

Veðurhorfur á landinu næstu daga

Á fimmtudag: Norðlæg eða breytileg átt 3-8 m/s, en austan 8-13 með austanverðri suðurströndinni. Bjart með köflum, en skúrir suðvestantil seinnipartinn. Hiti frá 8 stigum á annesjum norðaustantil, að 18 stigum í innsveitum á Suðvesturlandi.

Á föstudag: Austlæg átt og bjart með köflum, en víða skýjað og úrkomulítið við ströndina sunnan- og austanverða. Hiti 8 til 15 stig.

Á laugardag: Áfram austlæg átt. Skýjað með köflum og líkur á rigningu sunnanlands. Heldur kólnandi.

Á sunnudag: Norðlæg átt og skýjað, en bjart með köflum sunnan heiða. Dálítil væta og kólnar í veðri norðanlands.

Á mánudag og þriðjudag: Útlit fyrir kólnandi veður í norðanátt með rigningu norðan heiða.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.