Veður

Rigning eða skúrir í dag

Atli Ísleifsson skrifar
Landsmenn mega búast við bleytu víðast hvar.
Landsmenn mega búast við bleytu víðast hvar. Veðurstofan

Veðurstofan spáir suðlægri átt, fimm til þrettán metrum á sekúndu, og rigningu eða skúrum í dag.

Í hugleiðingum veðurfræðings segir að ekki verði alveg eins hlýtt í dag og var í gær og verður hiti á bilinu 10 til 18 stig og þá hlýjast norðaustantil.

„Í kvöld gengur vindur niður, en á morgun hvessir aftur úr suðaustri og fer að rigna sunnan- og vestanland eftir hádegi. Þurrt að mestu og bjartara veður á Austur- og Norðausturlandi. Áfram svipaður hiti og í dag, og enn hlýjast fyrir norðan,“ segir í tilkynningunni.

Veðurhorfur á landinu næstu daga

Á þriðjudag: Suðlæg átt 5-13 m/s, Hvassast með suðurströndinni. Rigning eða skúrir, en bjart með köflum á Austur- og Norðausturlandi. Hiti 9 til 17 stig, hlýjast norðaustantil.

Á miðvikudag: Suðlæg átt 5-13 framan af, en hægari breytileg átt um kvöldið. Áfram rigning eða skúrir, einkum sunnan- og vestanlands. Hiti breytist lítið.

Á fimmtudag: Vestlæg átt 5-10 og lítlisháttar skúrir, en þurrt að kalla um landið suðaustan- og austanvert. Hiti 7 til 15 stig, hlýjast austanlands.

Á föstudag: Austlæg átt, skýjað og úrkomulítið. Hiti 10 til 15 stig.

Á laugardag: Stíf norðaustanátt með vætu um allt land. Kólnar lítillega.

Á sunnudag: Útlit fyrir austlæga átt og einhverja vætu í flestum landshlutum. Hlýnar lítillega aftur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.