Fótbolti

Leikmenn í ensku úrvalsdeildinni sameinast og safna peningum í baráttunni gegn kórónuveirunni

Anton Ingi Leifsson skrifar
Leikmenn Manchester United og Everton eru á meðal þeirra sem taka þátt í söfnuninni.
Leikmenn Manchester United og Everton eru á meðal þeirra sem taka þátt í söfnuninni. vísir/getty

Flest allir leikmenn ensku úrvalsdeildarinnar hafa sameinast í baráttunni gegn kórónuveirunni og stofnað samtökin #PlayersTogether eða leikmennirnir saman.

Mikið hefur verið rætt og ritað um launalækkun leikmenn ensku úrvalsdeildarinnar en margir hafa talið að ef leikmenn lækka sig í launum þá fari það beint í vasa eigendanna en ekki í þau málefni sem þarfnast mest peninganna.

Nú hafa leikmennirnir tekið saman og gefið út yfirlýsingu þar sem segir að leikmennirnir vinni þetta í nánu sambandi við NHS sem eru góðgerðasamtök innan heilbrigðisgeirans á Englandi.

Í yfirlýsingunni kemur fram að leikmennirnir muni safna pening eins fljótt og auðið er og koma þeim peningum til skila til þeirra sem þarfnast þess mest.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.