Aragones gagnrýnir leikstíl spænska liðsins á móti Sviss

Luis Aragones hætti með spænska landsliðið eftir að hann gerði Spánverja að Evrópumeisturum fyrir tveimur árum. Hann er nú einn að mörgum sem hefur gagnrýnt fyrsta leik spænska liðsins á HM í Suður-Afríku þar sem liðið tapaði 0-1 á móti Sviss.

„Það var ekki nógu mikil ákveðni í liðinu í upphafi leiks til að taka yfir leikinn frá byrjun," sagði Luis Aragones.

Spánverjar urðu sjöundu Evrópumeistararnir í síðustu níu heimsmeistarakeppnum til að tapa fyrsta leiknum sínum á HM.

„Það vantaði meiri hraða í spilið og leikmenn voru ekki nógu duglegir að leita upp opin svæði," sagði Aragones og bætti við:

„Betra liðið vann ekki þennan leik heldur var það skipulagðara liðið sem vann," sagði Aragones og skaut þarna á eftirmann sinn Vicente del Bosque.

Aragones sagði það hafa verið mistök hjá del Bosque að nota

Xabi Alonso og Sergio Busquets saman á miðjunni því þeir væru báðir afturliggjandi miðjumenn og nefndi það sérstaklega að Busquets væri alltof varnarsinnaður leikmaður.