Lærisveinar Heimis í annað sætið

Lærisveinar Heimis Guðjónssonar í HB frá Þórshöfn tóku annað sæti færeysku úrvalsdeildarinnar með 3-0 sigri á TB í dag.

Dan Soylu kom heimamönnum í HB yfir á 54. mínútu og Adrian Justinussen tvöfaldaði forystuna á 72. mínútu. Bartal Wardum gulltryggði sigurinn undir lokin með marki rétt fyrir lok venjulegs leiktíma.

Brynjar Hlöðvarsson byrjaði á bekknum hjá HB en kom inn á 61. mínútu.

HB fer eins og áður sagði upp í annað sætið með sigrinum. HB er með 33 stig, tveimur stigum á eftir Víkingi frá Götu og stigi á undan NSÍ Runavík og Klaksvík. HB hefur hins vegar leikið leik meira en Víkingur og tveimur leikjum meira en NSÍ og Klaksvík.