Tónlist

Föstudagsplaylisti Steinunnar Jónsdóttur

Hjalti Freyr Ragnarsson skrifar
Steinunn á sviði með Reykjavíkurdætrum.
Steinunn á sviði með Reykjavíkurdætrum. aðsend

Steinunn er í senn grjótharður rappari og smjörslakur reggíseggur. Þá annars vegar með Reykjavíkurdætrum og hins vegar með Amabadama.

Reykjavíkurdætur, sem kalla sig nú Daughters of Reykjavík erlendis, gáfu út lagið Sweets í nóvember og fékk það að fljóta með á lagalistann sem Steinunn setti saman fyrir Vísi þennan föstudag.

Steinunn segir rappsveitina vera tilbúna með plötu sem kemur út á nýju ári, og að fólk megi búast við næstu smáskífu af henni fljótlega eftir áramót.

„Amabadama liggur undir feld og hrærir stöku sinnum í hægmallandi súpunni sem á að verða okkar önnur plata,“ segir Steinunn um reggíverkefnið sem rólegt hefur verið yfir undanfarið og bætir við að slíkar súpur séu „langbestar þegar þær fá að malla sem lengst þannig að þetta verður gómsætt.“

Lagalistinn segir hún vera samansafn frekar ólíkra laga sem henni finnst passa saman, sé hlustað á þau í þessari röð. „Við byrjum í Eþíópíu og endum í Hálsaskógi, en Lilli klifurmús fékk að vera með vegna þess að hann var sá artisti sem ég hlustaði mest á árið 2019.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.