Fótbolti

Þrír landsliðsmenn geta náð tíu landsleikja ári í fjórða sinn

Óskar Ófeigur Jónsson í Chisinau skrifar
Birkir Bjarnason getur spilað sinn tíunda landsleik á árinu í kvöld.
Birkir Bjarnason getur spilað sinn tíunda landsleik á árinu í kvöld. Getty/TF-Images

Fimm leikmenn íslenska landsliðsins eiga möguleika á því í kvöld að spila sinn tíunda landsleik á árinu 2019. Þrír af þeim hafa aftur á móti náð þessu oftar en hinir.

Birkir Bjarnason, Ragnar Sigurðsson og Ari Freyr Skúlason eiga nefnilega allir möguleika á því í kvöld að ná því í fjórða skiptið á landsliðsferli sínum að spila tíu landsleiki eða fleiri á einu ári.

Allir hafa þeir spilað yfir tíu landsleiki á árunum 2013, 2016 og 2018 en nú gætu þeir náð því í fjórða skiptið.

Hannes Þór Halldórsson og Gylfi Þór Sigurðsson geta einnig spilað sinn tíunda landsleik á árinu 2019 í þessum leik í Moldóvu í kvöld.

Gylfi hefur aðeins náð einu sinni áður að spila tíu landsleiki á einu ári en hann spilaði 13 leiki árið 2016. Hannes getur einnig náð þessu í annað skiptið því hann spilaði tíu landsleiki árið 2016.

Flestir landsleikir á árinu 2019:
Birkir Bjarnason 9
Hannes Þór Halldórsson 9
Gylfi Þór Sigurðsson 9
Ragnar Sigurðsson 9
Ari Freyr Skúlason 9
Arnór Ingvi Traustason 8
Kári Árnason 8
Kolbeinn Sigþórsson 7
Jón Daði Böðvarsson 6
Aron Einar Gunnarsson 6
Hjörtur Hermannsson 6
Rúnar Sigurjónsson 6

Tíu landsleikja ár Birkis, Ragnars og Ara:

Birkir Bjarnason
10 landsleikir árið 2013
13 landsleikir árið 2016
11 landsleikir árið 2018

Ragnar Sigurðsson
10 landsleikir árið 2013
15 landsleikir árið 2016
10 landsleikir árið 2018

Ari Freyr Skúlason
10 landsleikir árið 2013
12 landsleikir árið 2016
10 landsleikir árið 2018



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.