Mark Gylfa kemur til greina sem mark mánaðarins í ensku úrvalsdeildinni

Gylfi Þór Sigurðsson er kannski bara búinn að skora eitt mark í fyrstu tíu umferðum ensku úrvalsdeildarinnar en það var ekkert smá mark.

Gylfi kom inn á sem varamaður á móti West Ham 19. október síðastliðinn og var ekki lengi að koma sér í færi.

Gylfi innsiglaði sigur Everton í leiknum með stórkostlegu marki í uppbótatíma leiksins.

Gylfi fékk boltann fyrir utan teig frá Brasilíumanninum Richarlison, snéri af sér varnarmann og skoraði með frábæru langskoti.

Það þarf ekki að koma mikið á óvart að Sky Sports tilnefni þetta mark Gylfa sem eitt af flottustu mörkum októbermánaðar eins og sjá má hér fyrir neðan.

Sigurdsson special

Was this the Goal of the Month for October?

Watch the best strikes and pick your best here: https://t.co/8tCNrgibOLpic.twitter.com/eDu5zkLaZj

— Sky Sports Premier League (@SkySportsPL) November 1, 2019

Mark Gylfa á móti West Ham var líka tímamótamark hjá íslenska landsliðsmanninum. Hann varð með því fyrstur Íslendinga til að skora 60 mörk í ensku úrvalsdeildinni. Mörk þessara marka Gylfa hafa líka verið af glæsilegri gerðinni og komið eftir frábær langskot.