Skipað að þegja um áhyggjur sínar af símtali Trump og Zelenskíj Kjartan Kjartansson skrifar 1. nóvember 2019 23:45 Vindman (fyrir miðju) kom fyrir þingnefndirnar á þriðjudag. Þar lýsti hann áhyggjum sínum af samskiptum Trump forseta við Úkraínu. AP/Manuel Balce Ceneta Hátt settur lögfræðingur Hvíta hússins skipaði starfsmanni þjóðaröryggisráðsins sem heyrði símtal Donalds Trump Bandaríkjaforseta og Úkraínuforseta að ræða ekki áhyggjur sínar vegna þess við nokkurn utan ríkisstjórnarinnar. Trump þrýsti ítrekað á úkraínska forsetann að rannsaka pólitískan keppninaut hans í símtalinu. Sami lögfræðingur kom eftirriti símtalsins fyrir í tölvukerfi fyrir leynilegar upplýsingar til að koma í veg fyrir að efni þess læki út. Alexander Vindman, undirofursti í Bandaríkjaher og sérfræðingur í málefnum Úkraínu hjá þjóðaröryggisráðinu, bar vitni fyrir þremur nefndum fulltrúadeildar Bandaríkjaþings sem rannsaka möguleg embættisbrot Trump í samskiptum hans við Úkraínu fyrr í þessari viku. Hann sagði nefndunum að þrýstingur Trump á úkraínsk stjórnvöld um að þau rannsökuðu Joe Biden, fyrrverandi varaforseta og mögulegan mótherja Trump í forsetakosningum næsta árs, og stoðlausa samsæriskenningu um Demókrataflokkinn hafi valdið honum svo miklu hugarangri að hann hafi í tvígang gert lögfræðingi Hvíta hússins viðvart. Vindman var á meðal þeirra embættismanna sem sátu símtal Trump og Volodímírs Zelenskíj, forseta Úkraínu, sem varð kveikjan að rannsókn fulltrúadeildarinnar á mögulegum embættisbrotum. Hann taldi þrýsting Trump og bandamanna hans á Úkraínu grafa undan þjóðaröryggi Bandaríkjanna.Washington Post segir nú að Vindman hafi einnig borið vitni um að John Eisenberg, hátt settur lögfræðingur Hvíta hússins og aðallögfræðingur þjóðaröryggisráðsins, hafi skipað honum að viðra áhyggjur sínar af samskiptum Trump við Úkraínu ekki við nokkurn mann utan Hvíta hússins. Þá skipun gaf Eisenberg eftir að lögfræðingar Hvíta hússins fréttu af því að starfsmaður leyniþjónustunnar CIA hefði kvartað til yfirlögfræðings þeirrar stofnunar vegna símtals Trump og Zelenskíj. Leyniþjónustumaðurinn skilaði síðar inn formlegri uppljóstrarakvörtun sem varð til þess að fulltrúadeildin hóf rannsókn á forsetanum.Bæði Trump og bandamenn hans þrýstu ítrekað á Zelenskíj (t.v.) og úkraínska embættismenn að þeir rannsökuðu pólitíska andstæðinga Trump í sumar og haust.AP/Evan VucciBendir til þess að Hvíta húsið hafi gert sér grein fyrir alvarleika símtalsins Kvörtun uppljóstrarans hefur í meginatriðum verið staðfest í framburði nokkurra núverandi og fyrrverandi embættismanna í ríkisstjórn Trump. Fram hefur komið að Rudy Giuliani, persónulegur lögmaður Trump, hafi rekið skuggautanríkisstefnu gagnvart Úkraínu sem gekk út á að Bandaríkjastjórn héldi eftir hundruð milljóna dollara hernaðaraðstoð og fund í Hvíta húsinu sem stjórnvöld í Kænugarði sóttust eftir nema þau samþykktu að verða við kröfum Trump um rannsókn á Biden og demókrötum. Á meðal þess sem uppljóstrarinn hélt fram var að Hvíta húsið hafi reynt að leyna innihaldi símtals Trump og Zelenskíj með því að vista eftirrit þess í tölvukerfi sem aðeins er ætlað fyrir háleynilegar upplýsingar þrátt fyrir símtalið hafi ekki verið þess eðlis. Eisenberg er sagður hafa tekið þá ákvörðun til að koma í veg fyrir að efni símtalsins læki út. Það gerði hann eftir að Vindman viðraði áhyggjur sínar af símtalinu við hann. Þrátt fyrir að Eisenberg og mögulega aðrir embættismenn hafi reynt að halda efni símtalsins reyndu hefur Trump forseti ítrekað fullyrt að samtal hans við Zelenskíj hafi verið „fullkomið“ og hann hafi ekkert unnið sér til saka með því. Í minnisblaði um símtalið sem Hvíta húsið birti sjálft kom fram að Trump þrýsti ítrekað á Zelenskíj að fallast á rannsóknir. Framburður Vindman um að Eisenberg hafi viljað halda áhyggjum af samskiptum Trump og Zelenskíj leyndum er talinn grafa undan þeirri málsvörn þar sem hann bendir til þess að embættismenn Hvíta hússins hafi verið meðvitaðir um að símtalið reyndist skaðlegt spyrðist það út. Tim Morrison, fráfarandi yfirmaður málefna Rússlands og Evrópu hjá þjóðaröryggisráðinu, virtist staðfesta það í framburði fyrir þingnefndunum í gær. Staðfesti hann framburð annarra vitna um að Trump hafi setta það sem skilyrði fyrir því að veita hernaðaraðstoð og fund að Úkraínumennirnir lýstu því opinberlega yfir að þeir rannsökuðu Biden og demókrata. Morrison sagðist ekki telja þá kröfu ólöglega eða óviðeigandi en hann hafi óttast að það yrði pólitískt skaðlegt ef það spyrðist út. Eisenberg hefur verið boðaður til að bera vitni fyrir þingnefndunum á mánudag. Ekki er ljóst hvort hann verður við þeirri bón.Sagðist hafa rætt áhyggjur sína við samstarfsmenn Vindman sagðist í framburði sínum ekki vera uppljóstrarinn sem kom atburðarásinni í rannsókn á samskiptum Trump við Úkraínu af stað. Áður en Eisenberg skipaði honum að segja engum frá áhyggjum sínum hafi hann verið búinn að ræða þær við tvo samstarfsfélaga hjá öðrum stofnunum sem hann nafngreindi ekki. Í kvörtun uppljóstrarans kom fram að hann hefði rætt við embættismann Hvíta hússins sem hefði hlustað á allt símtal Trump og Zelenskíj. Embættismaðurinn hafi verið „sjáanlega sleginn yfir því sem gerðist“ og hann hefði lýst símtalinu sem „sturluðu“, „ógnvekjandi“ og „alls ótengdu efni sem tengist þjóðaröryggi“. Greindi Vindman nefndunum einnig frá því að í minnisblaðinu sem Hvíta húsið birti um símtali eftir að kvörtun uppljóstrarans komst í fréttir hafi brugðið í nokkrum veigamiklum atriðum frá eftirriti þess. Zelenskíj hafi verið eignuð orð sem hann hafi aldrei mælt og önnur ákveðin orð sem hann nefndi hafi verið fjarlægð og orðalagi forsetans breytt. Þar nefndi Vindman sérstaklega að nafnið á fyrirtækinu Burisma hefði verið fjarlægt. Hunter Biden, sonur Joe Biden, sat í stjórn þess fyrirtækis þegar faðir hans var varaforseti. Trump og bandamenn hans hafa haldið því fram án nokkurra sannana að Biden eldri hafi sem varaforseti misbeitt valdi sínu til að þvinga úkraínskan saksóknara úr embætti til að hygla syni sínum. Biden tók þátt í þrýstingi vestrænna ríkja á úkraínsk stjórnvöld að reka saksóknara sem þau töldu hafa brugðist í að uppræta langvarandi spillingu. Rannsókn sem hafði staðið yfir á Burisma hafði þá þegar verið hætt og ekkert hefur komið fram að hún hafi beinst að Hunter Biden. Bandaríkin Donald Trump Ákæruferli þingsins gegn Trump Úkraína Tengdar fréttir Boða fyrrverandi þjóðaröryggisráðgjafa Trump fyrir þingnefndirnar John Bolton ætlar ekki að koma sjálfviljugur fyrir nefndirnar en lögmaður hans segist tilbúinn að taka við stefnu. Bolton gæti verið lykilvitni um nokkur atriði í samskiptum Trump-stjórnarinnar við Úkraínu. 30. október 2019 23:45 Bandamenn Trump ráðast á vitni vegna uppruna þess Starfsmaður þjóðaröryggisráðs Bandaríkjanna var sakaður um að vera njósnari og mögulega óþjóðrækinn í hægrisinnuðum fjölmiðlum eftir að hann bar vitni sem kom Trump forseta illa. 29. október 2019 23:00 Núverandi starfsmaður Hvíta hússins ber vitni Offurstinn Alexander Vindman, sem situr í þjóðaröryggisráði Donald Trump, forseta Bandaríkjanna, lýsti tvisvar sinnum yfir áhyggjum vegna viðleitni ríkisstjórnar Trump og utanaðkomandi aðila sem tengjast Trump til að fá yfirvöld Úkraínu til að rannsaka pólitískan andstæðing forsetans. 29. október 2019 07:43 Ráðgjafi staðfesti að Trump sóttist eftir rannsóknum en taldi það ekki ólöglegt Fyrrverandi starfsmaður þjóðaröryggisráðsins staðfesti framburð um að Trump hafi haldi eftir hernaðaraðstoð til Úkraínu til að þrýsta á um pólitískan greiða en sagðist þó ekki hafa talið það óviðeigandi eða ólöglegt. 31. október 2019 21:45 Reyndi að bæta við eftirrit símtals Trump og Zelensky Alexander S. Vindman, undirofursti, sagði þingmönnum í gær að honum hafi verið svo brugðið yfir framferði Trump gagnvart Úkraínu að hann hafi gert lögfræðingum þjóðaröryggisráðsins viðvart í tvígang. 30. október 2019 09:24 Hvíta húsið sagt leita að blóraböggli vegna Úkraínumálsins Einn af helstu lögfræðingum Hvíta hússins sem ákvað að takmarka aðgang að símtali Trump og Zelenskíj Úkraínuforseta er sagður í miðju rannsóknarinnar. 16. október 2019 11:04 Þjóðaröryggisráðgjafi Trump vildi ekki taka þátt í „dópviðskiptum“ Fyrrverandi yfirmaður málefna Rússlands og Evrópu hjá þjóðaröryggisráði Bandaríkjanna bar vitni fyrir þingnefnd sem rannsakar möguleg embættisbrot Trump forseta í gær. 15. október 2019 11:01 Mest lesið Ræða mögulega við rútubílstjórann í dag Innlent Grunaður um kynferðisbrot gegn stjúpdóttur sinni Innlent Tók myndir af fólki á skemmtistað í leyfisleysi Innlent „Þessi iðnaður er með meira eða minna allt niður um sig“ Innlent Allir um borð í rútunni Íslendingar Innlent Ummerki um að vegurinn hafi gefið sig Innlent Tólf látin og tugir særð eftir árás á byggingavöruverslun Erlent Forsetavaktin 2024: Hver verður sjöundi forseti lýðveldisins? Innlent Auglýst eftir ungum og efnilegum hökkurum Innlent Áfengissala, forsetakosningar og neytendamál Innlent Fleiri fréttir Flytja hjálpargögn til Gasa í gegnum Kerem Shalom Tólf látin og tugir særð eftir árás á byggingavöruverslun Fjölda saknað eftir loftárás á byggingavöruverslun Halda áfram árásum á Rafah Hafnaði beiðni Baldwin um frávísun „Við munum vinna þennan slag“ Vilja banna snjallsíma fyrir yngri en 16 ára Segja Pútín vilja vopnahlé sem miðist við núverandi víglínur Sá sem át ekkert nema McDonalds í mánuð er fallinn frá Ísrael eigi að láta af öllum hernaðaraðgerðum í Rafah „Þetta setti af stað dómínó-áhrif út um allan heim“ Óttast um afdrif ríflega hundrað eftir aurskriðu Allsherjarsigur gegn Hamas ólíklegur Segir yfirlýsingar um að FBI hafi mátt skjóta Trump stórhættulegar Segir samstöðu lykilinn að jarðgangagerð Færeyinga Fjórir látnir eftir að bygging hrundi á Majorku Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Sjá meira
Hátt settur lögfræðingur Hvíta hússins skipaði starfsmanni þjóðaröryggisráðsins sem heyrði símtal Donalds Trump Bandaríkjaforseta og Úkraínuforseta að ræða ekki áhyggjur sínar vegna þess við nokkurn utan ríkisstjórnarinnar. Trump þrýsti ítrekað á úkraínska forsetann að rannsaka pólitískan keppninaut hans í símtalinu. Sami lögfræðingur kom eftirriti símtalsins fyrir í tölvukerfi fyrir leynilegar upplýsingar til að koma í veg fyrir að efni þess læki út. Alexander Vindman, undirofursti í Bandaríkjaher og sérfræðingur í málefnum Úkraínu hjá þjóðaröryggisráðinu, bar vitni fyrir þremur nefndum fulltrúadeildar Bandaríkjaþings sem rannsaka möguleg embættisbrot Trump í samskiptum hans við Úkraínu fyrr í þessari viku. Hann sagði nefndunum að þrýstingur Trump á úkraínsk stjórnvöld um að þau rannsökuðu Joe Biden, fyrrverandi varaforseta og mögulegan mótherja Trump í forsetakosningum næsta árs, og stoðlausa samsæriskenningu um Demókrataflokkinn hafi valdið honum svo miklu hugarangri að hann hafi í tvígang gert lögfræðingi Hvíta hússins viðvart. Vindman var á meðal þeirra embættismanna sem sátu símtal Trump og Volodímírs Zelenskíj, forseta Úkraínu, sem varð kveikjan að rannsókn fulltrúadeildarinnar á mögulegum embættisbrotum. Hann taldi þrýsting Trump og bandamanna hans á Úkraínu grafa undan þjóðaröryggi Bandaríkjanna.Washington Post segir nú að Vindman hafi einnig borið vitni um að John Eisenberg, hátt settur lögfræðingur Hvíta hússins og aðallögfræðingur þjóðaröryggisráðsins, hafi skipað honum að viðra áhyggjur sínar af samskiptum Trump við Úkraínu ekki við nokkurn mann utan Hvíta hússins. Þá skipun gaf Eisenberg eftir að lögfræðingar Hvíta hússins fréttu af því að starfsmaður leyniþjónustunnar CIA hefði kvartað til yfirlögfræðings þeirrar stofnunar vegna símtals Trump og Zelenskíj. Leyniþjónustumaðurinn skilaði síðar inn formlegri uppljóstrarakvörtun sem varð til þess að fulltrúadeildin hóf rannsókn á forsetanum.Bæði Trump og bandamenn hans þrýstu ítrekað á Zelenskíj (t.v.) og úkraínska embættismenn að þeir rannsökuðu pólitíska andstæðinga Trump í sumar og haust.AP/Evan VucciBendir til þess að Hvíta húsið hafi gert sér grein fyrir alvarleika símtalsins Kvörtun uppljóstrarans hefur í meginatriðum verið staðfest í framburði nokkurra núverandi og fyrrverandi embættismanna í ríkisstjórn Trump. Fram hefur komið að Rudy Giuliani, persónulegur lögmaður Trump, hafi rekið skuggautanríkisstefnu gagnvart Úkraínu sem gekk út á að Bandaríkjastjórn héldi eftir hundruð milljóna dollara hernaðaraðstoð og fund í Hvíta húsinu sem stjórnvöld í Kænugarði sóttust eftir nema þau samþykktu að verða við kröfum Trump um rannsókn á Biden og demókrötum. Á meðal þess sem uppljóstrarinn hélt fram var að Hvíta húsið hafi reynt að leyna innihaldi símtals Trump og Zelenskíj með því að vista eftirrit þess í tölvukerfi sem aðeins er ætlað fyrir háleynilegar upplýsingar þrátt fyrir símtalið hafi ekki verið þess eðlis. Eisenberg er sagður hafa tekið þá ákvörðun til að koma í veg fyrir að efni símtalsins læki út. Það gerði hann eftir að Vindman viðraði áhyggjur sínar af símtalinu við hann. Þrátt fyrir að Eisenberg og mögulega aðrir embættismenn hafi reynt að halda efni símtalsins reyndu hefur Trump forseti ítrekað fullyrt að samtal hans við Zelenskíj hafi verið „fullkomið“ og hann hafi ekkert unnið sér til saka með því. Í minnisblaði um símtalið sem Hvíta húsið birti sjálft kom fram að Trump þrýsti ítrekað á Zelenskíj að fallast á rannsóknir. Framburður Vindman um að Eisenberg hafi viljað halda áhyggjum af samskiptum Trump og Zelenskíj leyndum er talinn grafa undan þeirri málsvörn þar sem hann bendir til þess að embættismenn Hvíta hússins hafi verið meðvitaðir um að símtalið reyndist skaðlegt spyrðist það út. Tim Morrison, fráfarandi yfirmaður málefna Rússlands og Evrópu hjá þjóðaröryggisráðinu, virtist staðfesta það í framburði fyrir þingnefndunum í gær. Staðfesti hann framburð annarra vitna um að Trump hafi setta það sem skilyrði fyrir því að veita hernaðaraðstoð og fund að Úkraínumennirnir lýstu því opinberlega yfir að þeir rannsökuðu Biden og demókrata. Morrison sagðist ekki telja þá kröfu ólöglega eða óviðeigandi en hann hafi óttast að það yrði pólitískt skaðlegt ef það spyrðist út. Eisenberg hefur verið boðaður til að bera vitni fyrir þingnefndunum á mánudag. Ekki er ljóst hvort hann verður við þeirri bón.Sagðist hafa rætt áhyggjur sína við samstarfsmenn Vindman sagðist í framburði sínum ekki vera uppljóstrarinn sem kom atburðarásinni í rannsókn á samskiptum Trump við Úkraínu af stað. Áður en Eisenberg skipaði honum að segja engum frá áhyggjum sínum hafi hann verið búinn að ræða þær við tvo samstarfsfélaga hjá öðrum stofnunum sem hann nafngreindi ekki. Í kvörtun uppljóstrarans kom fram að hann hefði rætt við embættismann Hvíta hússins sem hefði hlustað á allt símtal Trump og Zelenskíj. Embættismaðurinn hafi verið „sjáanlega sleginn yfir því sem gerðist“ og hann hefði lýst símtalinu sem „sturluðu“, „ógnvekjandi“ og „alls ótengdu efni sem tengist þjóðaröryggi“. Greindi Vindman nefndunum einnig frá því að í minnisblaðinu sem Hvíta húsið birti um símtali eftir að kvörtun uppljóstrarans komst í fréttir hafi brugðið í nokkrum veigamiklum atriðum frá eftirriti þess. Zelenskíj hafi verið eignuð orð sem hann hafi aldrei mælt og önnur ákveðin orð sem hann nefndi hafi verið fjarlægð og orðalagi forsetans breytt. Þar nefndi Vindman sérstaklega að nafnið á fyrirtækinu Burisma hefði verið fjarlægt. Hunter Biden, sonur Joe Biden, sat í stjórn þess fyrirtækis þegar faðir hans var varaforseti. Trump og bandamenn hans hafa haldið því fram án nokkurra sannana að Biden eldri hafi sem varaforseti misbeitt valdi sínu til að þvinga úkraínskan saksóknara úr embætti til að hygla syni sínum. Biden tók þátt í þrýstingi vestrænna ríkja á úkraínsk stjórnvöld að reka saksóknara sem þau töldu hafa brugðist í að uppræta langvarandi spillingu. Rannsókn sem hafði staðið yfir á Burisma hafði þá þegar verið hætt og ekkert hefur komið fram að hún hafi beinst að Hunter Biden.
Bandaríkin Donald Trump Ákæruferli þingsins gegn Trump Úkraína Tengdar fréttir Boða fyrrverandi þjóðaröryggisráðgjafa Trump fyrir þingnefndirnar John Bolton ætlar ekki að koma sjálfviljugur fyrir nefndirnar en lögmaður hans segist tilbúinn að taka við stefnu. Bolton gæti verið lykilvitni um nokkur atriði í samskiptum Trump-stjórnarinnar við Úkraínu. 30. október 2019 23:45 Bandamenn Trump ráðast á vitni vegna uppruna þess Starfsmaður þjóðaröryggisráðs Bandaríkjanna var sakaður um að vera njósnari og mögulega óþjóðrækinn í hægrisinnuðum fjölmiðlum eftir að hann bar vitni sem kom Trump forseta illa. 29. október 2019 23:00 Núverandi starfsmaður Hvíta hússins ber vitni Offurstinn Alexander Vindman, sem situr í þjóðaröryggisráði Donald Trump, forseta Bandaríkjanna, lýsti tvisvar sinnum yfir áhyggjum vegna viðleitni ríkisstjórnar Trump og utanaðkomandi aðila sem tengjast Trump til að fá yfirvöld Úkraínu til að rannsaka pólitískan andstæðing forsetans. 29. október 2019 07:43 Ráðgjafi staðfesti að Trump sóttist eftir rannsóknum en taldi það ekki ólöglegt Fyrrverandi starfsmaður þjóðaröryggisráðsins staðfesti framburð um að Trump hafi haldi eftir hernaðaraðstoð til Úkraínu til að þrýsta á um pólitískan greiða en sagðist þó ekki hafa talið það óviðeigandi eða ólöglegt. 31. október 2019 21:45 Reyndi að bæta við eftirrit símtals Trump og Zelensky Alexander S. Vindman, undirofursti, sagði þingmönnum í gær að honum hafi verið svo brugðið yfir framferði Trump gagnvart Úkraínu að hann hafi gert lögfræðingum þjóðaröryggisráðsins viðvart í tvígang. 30. október 2019 09:24 Hvíta húsið sagt leita að blóraböggli vegna Úkraínumálsins Einn af helstu lögfræðingum Hvíta hússins sem ákvað að takmarka aðgang að símtali Trump og Zelenskíj Úkraínuforseta er sagður í miðju rannsóknarinnar. 16. október 2019 11:04 Þjóðaröryggisráðgjafi Trump vildi ekki taka þátt í „dópviðskiptum“ Fyrrverandi yfirmaður málefna Rússlands og Evrópu hjá þjóðaröryggisráði Bandaríkjanna bar vitni fyrir þingnefnd sem rannsakar möguleg embættisbrot Trump forseta í gær. 15. október 2019 11:01 Mest lesið Ræða mögulega við rútubílstjórann í dag Innlent Grunaður um kynferðisbrot gegn stjúpdóttur sinni Innlent Tók myndir af fólki á skemmtistað í leyfisleysi Innlent „Þessi iðnaður er með meira eða minna allt niður um sig“ Innlent Allir um borð í rútunni Íslendingar Innlent Ummerki um að vegurinn hafi gefið sig Innlent Tólf látin og tugir særð eftir árás á byggingavöruverslun Erlent Forsetavaktin 2024: Hver verður sjöundi forseti lýðveldisins? Innlent Auglýst eftir ungum og efnilegum hökkurum Innlent Áfengissala, forsetakosningar og neytendamál Innlent Fleiri fréttir Flytja hjálpargögn til Gasa í gegnum Kerem Shalom Tólf látin og tugir særð eftir árás á byggingavöruverslun Fjölda saknað eftir loftárás á byggingavöruverslun Halda áfram árásum á Rafah Hafnaði beiðni Baldwin um frávísun „Við munum vinna þennan slag“ Vilja banna snjallsíma fyrir yngri en 16 ára Segja Pútín vilja vopnahlé sem miðist við núverandi víglínur Sá sem át ekkert nema McDonalds í mánuð er fallinn frá Ísrael eigi að láta af öllum hernaðaraðgerðum í Rafah „Þetta setti af stað dómínó-áhrif út um allan heim“ Óttast um afdrif ríflega hundrað eftir aurskriðu Allsherjarsigur gegn Hamas ólíklegur Segir yfirlýsingar um að FBI hafi mátt skjóta Trump stórhættulegar Segir samstöðu lykilinn að jarðgangagerð Færeyinga Fjórir látnir eftir að bygging hrundi á Majorku Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Sjá meira
Boða fyrrverandi þjóðaröryggisráðgjafa Trump fyrir þingnefndirnar John Bolton ætlar ekki að koma sjálfviljugur fyrir nefndirnar en lögmaður hans segist tilbúinn að taka við stefnu. Bolton gæti verið lykilvitni um nokkur atriði í samskiptum Trump-stjórnarinnar við Úkraínu. 30. október 2019 23:45
Bandamenn Trump ráðast á vitni vegna uppruna þess Starfsmaður þjóðaröryggisráðs Bandaríkjanna var sakaður um að vera njósnari og mögulega óþjóðrækinn í hægrisinnuðum fjölmiðlum eftir að hann bar vitni sem kom Trump forseta illa. 29. október 2019 23:00
Núverandi starfsmaður Hvíta hússins ber vitni Offurstinn Alexander Vindman, sem situr í þjóðaröryggisráði Donald Trump, forseta Bandaríkjanna, lýsti tvisvar sinnum yfir áhyggjum vegna viðleitni ríkisstjórnar Trump og utanaðkomandi aðila sem tengjast Trump til að fá yfirvöld Úkraínu til að rannsaka pólitískan andstæðing forsetans. 29. október 2019 07:43
Ráðgjafi staðfesti að Trump sóttist eftir rannsóknum en taldi það ekki ólöglegt Fyrrverandi starfsmaður þjóðaröryggisráðsins staðfesti framburð um að Trump hafi haldi eftir hernaðaraðstoð til Úkraínu til að þrýsta á um pólitískan greiða en sagðist þó ekki hafa talið það óviðeigandi eða ólöglegt. 31. október 2019 21:45
Reyndi að bæta við eftirrit símtals Trump og Zelensky Alexander S. Vindman, undirofursti, sagði þingmönnum í gær að honum hafi verið svo brugðið yfir framferði Trump gagnvart Úkraínu að hann hafi gert lögfræðingum þjóðaröryggisráðsins viðvart í tvígang. 30. október 2019 09:24
Hvíta húsið sagt leita að blóraböggli vegna Úkraínumálsins Einn af helstu lögfræðingum Hvíta hússins sem ákvað að takmarka aðgang að símtali Trump og Zelenskíj Úkraínuforseta er sagður í miðju rannsóknarinnar. 16. október 2019 11:04
Þjóðaröryggisráðgjafi Trump vildi ekki taka þátt í „dópviðskiptum“ Fyrrverandi yfirmaður málefna Rússlands og Evrópu hjá þjóðaröryggisráði Bandaríkjanna bar vitni fyrir þingnefnd sem rannsakar möguleg embættisbrot Trump forseta í gær. 15. október 2019 11:01