Enski boltinn

Xhaka sviptur fyrirliðabandinu hjá Arsenal

Anton Ingi Leifsson skrifar
Xhaka klæðir sig úr treyjunni á leiðinni af velli gegn Palace.
Xhaka klæðir sig úr treyjunni á leiðinni af velli gegn Palace. vísir/getty

Granit Xhaka hefur verið sviptur fyrirliðabandinu hjá Arsenal eftir lætin gegn Crystal Palace fyrir rúmri viku síðan.

Xhaka lét öllum illum látum er honum var skipt af velli á Emirates-leikvanginum gegn Palace og vakti það hörð viðbrögð margra innan Arsenal.

Xhaka hefur ekki verið í leikmannahópi Arsenal í síðustu tveimur leikjum; deildarbikar leik gegn Liverpool og deildarleik gegn Wolves.





Unai Emery staðfesti svo á blaðamannafundi sínum í dag, fyrir leikinn gegn Vitoria í Evrópudeildinni á morgun, að Xhaka væri ekki lengur fyrirliði liðsins.

Pierre-Emerick Aubameyang er nýr fyrirliði Arsenal en flautað verður til leiks í Portúgal á morgun klukkan 15.50.

Leikurinn verður í beinni útsendingu á Stöð 2 Sport en fleiri fréttir tengdar Xhaka málinu má sjá hér að neðan.


Tengdar fréttir

Arsenal býður Xhaka upp á fría sálfræðitíma

Það logar allt stafna á milli hjá Arsenal í kjölfar þess að fyrirliði liðsins, Granit Xhaka, brjálaðist er hann var tekinn af velli í leiknum gegn Crystal Palace um síðustu helgi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.