Enski boltinn

Áhorfendamet slegið í grannaslag á Etihad

Ástrós Ýr Eggertsdóttir skrifar
Manchesterliðin mætust í opnunarleik efstu deildar á Englandi
Manchesterliðin mætust í opnunarleik efstu deildar á Englandi vísir/getty

Áhorfendamet var slegið þegar Manchesterliðin City og United mættust í efstu deild kvenna á Englandi í dag.

Manchester United setti kvennalið á laggirnar á ný á síðasta ári og vann liðið ensku B-deildina með yfirburðum á sínu fyrsta tímabili. Nágrannaliðið í City hefur hins vegar verið eitt sterkasta lið Englands síðustu ár.

Það var United sem byrjaði leikinn betur og var með yfirhöndina í leiknum mest allan fyrri hálfleikinn án þess þó að skora mark. Heimakonur í City mættu hins vegar sterkari í seinni hálfleikinn og komust fljótt yfir með glæsimarki frá Caroline Weir.

Þrátt fyrir að liggja á þeim rauðu undir lok leiksins urðu mörkin ekki fleiri.

Leikurinn var spilaður á Etihad vellinum í Manchester, heimavelli karlaliðs Manchester City, og komu 31213 manns á leikinn. Það er nýtt áhorfendamet á kvennaleik á Englandi, fyrra metið var aðeins 5265 manns og var það sett á síðasta tímabili.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.