Fótbolti

Bayern skoraði sex í stórsigri

Ástrós Ýr Eggertsdóttir skrifar
Pólverjinn Lewandowski var á meðal markaskorara Bayern í dag
Pólverjinn Lewandowski var á meðal markaskorara Bayern í dag vísir/getty
Bayern München vann stórsigur á Mainz í þýsku Bundesligunni í fótbolta í dag. Þýsku meistararnir eru því enn taplausir eftir þrjár umferðir.

Gestirnir úr Mainz komust yfir á sjöttu mínútu leiksins en eftir það sáu þeir varla til sólar.

Benjamin Pavard jafnaði muninn fyrir Bayern á 36. mínútu og David Alaba kom heimamönnum yfir á síðustu mínútu fyrri hálfleiks.

Í seinni hálfleik skoruðu þeir Ivan Perisic, Robert Lewandowski, Kingsley Coman og Alphonso Davies sitt markið hver. Lokatölur urðu 6-1 fyrir Bayern.

Í öðrum leikjum vann Köln 2-1 sigur á Freiburg, Schalke vann Hertha Berlin 3-0 og Wolfsburg og Paderborn gerðu 1-1 jafntefli.

Þýski boltinn

Mest lesið


Fleiri fréttir

Sjá meira


×

Mest lesið