Rússnesk frjálsíþróttakona lést á miðri æfingu
Rússneska frjálsíþróttakonan, Margarita Plavunova, lést á æfingu í vikunni eftir að hún fékk hjartaáfall.
Plavunova var einungis 25 ára gömul og var rússneskur meistari í grindahlaupi en hún fannst látin í bænum Morshansky District.
Hún fékk hjartaáfall á miðri æfingunni samkvæmt frjálsíþróttasambandi Rússlands. Fjölmiðlar í bænum Morshansky segja banameinið hafa verið of mikið æfingaálag.
Russian athlete Margarita Plavunova dies suddenly in training https://t.co/GNugpU0A6C pic.twitter.com/g7wDptWkL5
— Mirror Sport (@MirrorSport) August 21, 2019
Samkvæmt vitni féll Plavunova skyndilega til jarðar á miðri æfingu þar sem hún var við æfingar í fríi sínu. Íbúi í bænum kom að Plavunova og hringdi á sjúkrabíl en ekki náðist að bjarga lífi hennar.
Plavunova var afar öflug í grindahlaupi en hún vann til verðlauna í 60 metra, 100 metra og 400 metra grindahlaupi í heimalandinu.
Ekki er talið að andlát hennar hafi borið með saknæmum hætti.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
