Enski boltinn

Leikmenn Man. Utd mega ekki lengur gefa eiginhandaráritanir fyrir utan æfingasvæðið

Anton Ingi Leifsson skrifar
Jesse Lingard, Ashley Young og Harry Maguire gefa ekki fleiri áritanir fyrir utan æfingasvæði United.
Jesse Lingard, Ashley Young og Harry Maguire gefa ekki fleiri áritanir fyrir utan æfingasvæði United. vísir/getty

Leikmenn Manchester United geta ekki lengur gefið eiginhandaráritanir úr bílunum sínum fyrir utan æfingasvæði félagsins, Carrington, en skilti þess efnis hefur verið komið upp.

Ungir krakkar hafa oftar en ekki beðið fyrir utan hliðið inn á æfingasvæðið og fengið eiginhandaráritanir frá átrúnargoðum sínum en nú heyrir það sögunni til.

Búið er að koma upp úr stóru skilti þar sem þetta kemur fram en á miðvikudaginn gáfu Ole Gunnar Solskjær og Daniel James síðustu áritanirnar á þessum stað.



„Leikmönnum er ekki heimilt að stöðva og skrifa eiginhandaráritanir vegna hættu á veginum,“ stendur á skiltinu.

United flutti á Carrington æfingasvæðið árið 2000 en æfingasvæðið er innan við tíu kílómetra frá Old Trafford.

Ástæða flutninganna frá The Cliff, þar sem United æfði áður fyrr, var mikið ónæði og þáverandi stjóri, Sir Alex Ferguson, vildi að leikmennirnir fengu meiri frið frá aðdáendum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.