Maðurinn sem hefur játað á sig morðið á vísindakonunni Suzanne Eaton á grísku eyjunni Krít er sagður hafa keyrt á hana tvisvar þegar hún var úti að hlaupa. Hann hafi ákveðið að ráðast að henni til þess að misnota hana kynferðislega.
Á vef CNN er haft eftir lögreglustjóra á eyjunni að maðurinn hafi flutt Eaton meðvitundarlausa í skottið á bíl sínum og keyrt með hana í skotbyrgi úr seinni heimstyrjöldinni. Þar hafi hann síðar nauðgað henni.
Ekki er ljóst hvort Eaton hafi enn verið á lífi þegar maðurinn braut á henni kynferðislega. Hann skildi svo lík hennar eftir í skotbyrginu og lokaði fyrir loftbrunn byrgisins með trjádrumbi.
Maðurinn þekkti Eaton ekki fyrir árásina en hann er giftur tveggja barna faðir og á sveitabæ nærri vettvangi glæpsins. Hann neitaði í fyrstu að hafa verið nærri byrginu undanfarin mánuð sem vakti upp grunsemdir á meðal lögreglu.
Keyrði tvisvar á Eaton og nauðgaði henni
Tengd skjöl
Tengdar fréttir
Vísindakona fannst myrt í skotbyrgi nasista
Tilkynnt var um hvarf bandarísks sameindalíffræðings 2. júlí. Hún hafði farið út að hlaupa en kom aldrei aftur. Lík hennar fannst í skotbyrgi sem nasistar grófu.
Játar að hafa myrt vísindakonuna á Krít
27 ára gamall maður hefur játað á sig morðið á vísindakonunni Suzanne Eaton.
