ÍR-ingarnir Nanna Hólm Davíðsdóttir og Gunnar Þór Ásgeirsson urðu í dag Íslandsmeistarar í keilu. Leikið var í Keiluhöllinni í Egilshöll.



Í úrslitum í kvennaflokki hafði Nanna betur gegn samherja sínum úr ÍR, Ástrósu Pétursdóttur. Þetta er í fyrsta sinn sem Nanna verður Íslandsmeistari.



Í úrslitum í karlaflokki mættust Gunnar Þór og Gústaf Smári Björnsson, KFR.



Gunnar Þór hafði þar betur og tryggði sér Íslandsmeistaratitilinn.