Tónlist

Föstudagsplaylisti Seint

Hjalti Freyr Ragnarsson skrifar
Joseph Cosmo Muscat gerir tónlist undir nafninu Seint.
Joseph Cosmo Muscat gerir tónlist undir nafninu Seint. Aðsend

Seint er listamannsnafn tónlistarmannsins Joseph Cosmo Muscat, sem sauð saman popptónlistarplaylista af myrkari endanum fyrir föstudaginn í dag.

Hann vinnur einmitt með drungaþrungið rafpopp í þessu sólóverkefni sínu, en rætur hans liggja þó í þungarokkinu með sveitum á borð við Celestine.

Í síðustu viku kom út remix hans af lagi gítarleikara Rammstein, Richard Z. Kruspe, en hann gerir tónlist undir nafninu Emigrate.

Joseph segir þema lagalistans vera „dimmt popp“, en hugmyndin sprettur úr rótum hans í verkefninu Seint.

„Eftir að ég heyrði „With Teeth“ með Nine Inch Nails árið 2007 þá var aldrei aftur snúið. Þar og þá vissi ég að ég vildi búa til raftónlist og semja dimm og tilfinningaþrungin popplög,“ segir hann um uppruna verkefnisins.

Nýjasta plata hans, IV, sé þó mun bjartari og fallegri en það sem áður hefur komið frá honum.

Melankólía og drungi muni engu að síður alltaf fylgja stíl hans. „Þess vegna hentaði svo vel fyrir mig að gera remixið fyrir Richard úr Rammstein. Við erum báðir miklir Nine Inch Nails aðdáendur og þar lá tengingin“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.