Sport

Snorri: Gunna er alveg sama þó ég myndi hann nakinn í baði

Henry Birgir Gunnarsson í London skrifar

Ljósmyndarinn Snorri Björnsson hefur verið skugginn í lífi Gunnars Nelson síðustu ár og elt hann út um allar trissur með myndavélina að vopni.

„Ég er að skrásetja ferlið. Ná myndum af ferlinu sem Gunnar er í fyrir bardaga sem og í lífinu. Hvort sem það er barnaafmæli sonarins, aðgerð á hné eða eitthvað anna. Ég er þá mættur að skrásetja,“ segir Snorri léttur en hann hefur verið að elta Gunnar í nokkur ár með myndavélina.

„Ég ákvað að veðja á þetta og aðallega af því ég hafði mikinn áhuga á að sjá þetta sjálfur. Svo verður að koma í ljós hvort ég geri heimildarmynd, ljósmyndasýningu eða eitthvað annað. Það er augljóslega mikill áhugi á Gunna og einhver þurfti að taka á sig að skrásetja. Einhvern tímann kemur í ljós hversu góðar myndirnar eru.“


Klippa: Snorri Björns eltir Gunnar Nelson eins og skugginn

Snorri segir að Gunnar kippi sér ekkert upp við að vera með myndavélinu í andlitinu allan daginn.

„Það verður að koma fram að Gunni er eini einstaklingurinn sem hefur aldrei pælt í því hvað ég er að gera. Pabbi hans er að spyrja mig og þú núna. Gunni er ekkert að pæla í þessu og honum er alveg sama þó svo ég sé að mynda hann nakinn í baði. Hann veit ekkert hvert þessar myndir fara,“ segir Snorri brosandi en hann hefur haft mjög gaman af þessu verkefni.

„Ég var alveg til í að vera bara fluga á vegg en svo er Gunni mikil félagsvera en ég hélt. Er miklu hressari í þessum bardagavikum en ég bjóst við. Þetta er mjög skemmtilegur félagsskapur.“

Snorri segir að Gunnar komi til dyranna eins og hann sé klæddur.

„Hann er eins og fólk sér hann. Plús slatti af húmor. Ég held að Gunni sé töluvert fyndnari en fólk gerir sér grein fyrir. Ég geri þetta þar til það kemur byrjun og endir á sögunni. Ég er að taka sénsinn á því að þetta endi á einhverjum skemmtilegum stað. Ég vona að þetta endi eins og í einhverju ævintýri.“

Efst í fréttinni má sjá frétt um Snorra sem birtist í fréttum Stöðvar 2 í kvöld en um miðja fréttina er viðtalið við Snorra í heild sinni.

Gunnar Nelson berst við Bretann Leon Edwards í London á morgun. Bardaginn er í beinni á Stöð 2 Sport. Vísir er í London og mun fylgjast ítarlega með öllu í aðdraganda bardagans.


Tengdar fréttir

Till: Ætla að eyða sál Masvidal

Jorge Masvidal og Darren Till kunna að rífa kjaft. Masvidal segist vilja kýla Till í andlitið en Englendingurinn lætur ekkert minna duga en að eyða sál Masvidal.

Fimmta lotan: Masvidal er gufuruglaður

Henry Birgir Gunnarsson og Pétur Marinó Jónsson heilsa úr Fimmtu lotunni frá London að þessu sinni þar sem þeir hafa fylgst vel með öllu í aðdraganda bardaga Gunnars Nelson og Leon Edwards.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.