City mætir Brighton í undanúrslitunum

Manchester City mætir Brighton í undanúrslitum ensku bikarkeppninnar í fótbolta. Dregið var nú rétt í þessu.

Brighton varð síðasta liðið til þess að tryggja sig inn í undanúrslitin með sigri á Millwall í vítaspyrnukeppni í dag.

Dregið var strax að loknum leik Brighton og Millwall og fékk Brighton erfiðasta andstæðinginn í pottinum, Englandsmeistara Manchester City.

Hin viðureignin er leikur Watford og Wolves.

Undanúrslitin fara fram á Wembley, líkt og úrslitaleikurinn sjálfur, og verða leikin helgina 6. og 7. apríl.