Jón Guðni og félagar gerðu jafntefli í toppbaráttuslag

Íslenski varnarmaðurinn Jón Guðni Fjóluson lék allan leikinn í hjarta varnarinnar hjá Krasnodar þegar liðið gerði 1-1 jafntefli við Spartak Moskvu í rússnesku úrvalsdeildinni í fótbolta í dag.

Ze Luis kom Spartak Moskvu yfir snemma leiks en forystan entist þeim stutt því Mauricio Pereyra jafnaði metin fyrir Krasnodar á 25.mínútu. Fleiri urðu mörkin ekki og jafntefli því niðurstaðan í þessum toppbaráttuslag.

Jón Guðni og félagar eru í 2.sæti deildarinnar, þremur stigum á eftir toppliði Zenit. Spartak hins vegar í 4.sæti með fjórum stigum minna en Krasnodar.