Dzeko bjargaði Roma fyrir horn gegn nýliðunum

Roma slapp fyrir horn er liðið vann 3-2 dramatískan sigur á Frosinone í ítölsku úrvalsdeildinni í kvöld.

Það voru heimamenn í Frosinone sem skoruðu fyrsta markið en það kom strax á fimmtu mínútu. Það skoraði framherjinn Camillo Ciano.

Bosníumaðurinn Edin Dzeko jafnaði metin eftir hálftíma leik og mínútu síðar var það Lorenzo Pellegrini sem kom Roma í 2-1.

Heimamenn voru ekki hættir því tíu mínútum fyrir leikslok jöfnuðu þeir með marki Andrea Pinamonti en Edin Dzeko bjargaði Roma fyrir horn með sigurmarki í uppbótartíma.

Roma er eftir sigurinn áfram í fimmta sæti deildarinnar og er stigi á eftir AC Milan sem er stigi ofar og í Meistaradeildarsæti. Frosinone er í næst neðsta sætinu.

ED È FINITA!!!

Ce la siamo ripresa all'ultimo secondo con EDIN! DAJE ROMAAAAAAA! #FrosinoneRoma#ASRomapic.twitter.com/soEuj79vki

— AS Roma (@OfficialASRoma) February 23, 2019