Ron­aldo komst hvorki í fyrsta sætið hjá lands­liðs­fyrir­liðanum né lands­liðs­þjálfaranum

Aron Einar Gunnarsson og Erik Hamrén voru ekki sammála um hvaða leikmaður hafi verið besti leikmaður heims á síðasta ári en lokahóf FIFA fór fram í Mílan í gær.

Lionel Messi var kjörinn sá besti en landsliðsþjálfarann setti Argentínumanninn í fyrsta sæti hjá sér. Virgil Van Dijk var í öðru og Cristiano Ronaldo í því þriðja.

Aron Einar var hins vegar með Liverpool-varnarmanninn, Virgil Van Dijk, í fyrsta sæti hjá sér. Messi var í öðru og líkt hjá Hamrén var Cristiano Ronaldo í því þriðja.

Víðir Sigurðsson, blaðamaður Morgunblaðsins, tók einnig þátt í kjörinu en hann raðaði leikmönnunum þremur upp eins og Aron Einar; Van Dijk, Messi og svo Ronaldo.

Kvennamegin voru landsliðsfyrirliðinn og þjálfarinn heldur ekki sammála. Sara Björk Gunnarsdóttir var með Megan Rapinoe í fyrsta sætinu, Lavella Rose í öðru og Vivianne Miedema í því þriðja.

Jón Þór Hauksson leitaði hins vegar til Noregs og kaus Ödu Hegerberg í það fyrsta, Rapinoe í það annað og Ellen White í það þriðja.

Rapinoe var svo kjörin besti leikmaður ársins.