Enski boltinn

Firmino líklega klár gegn Barcelona

Anton Ingi Leifsson skrifar
Klopp og Firmino á góðri stundu.
Klopp og Firmino á góðri stundu. vísir/getty
Jurgen Klopp, stjóri Liverpool, segir að meiðsli Roberto Firmino séu ekki alvarleg en hann var ekki með Liverpool í 5-0 sigrinum á Huddersfield.

Daniel Sturridge var í fremstu víglínu Liverpool í stað Firmino en hann kenndi sér meins á æfingu í gær. Klopp tók enga áhættu og sendi hann upp í stúku fyrir leik kvöldsins.

„Eftir æfingu þá talaði hann um smávægis meiðsli. Þetta er ekki stórvægilegt en nóg til þess að láta hann horfa á,“ sagði Klopp í samtali við Sky Sports.







„Hann er líklegur til þess að verða klár á miðvikudaginn en við erum ekki hundrað prósent vissir,“ sagði Klopp eftir leikinn.

Það er stór vika framundan fyrir Liverpool en þeir mæta Barcelona á Camp Nou á miðvikudagskvöldið. Leikurinn er fyrsti leikur liðanna í undanúrslitum Meistaradeildarinnar.

Fótbolti

Mest lesið


Fleiri fréttir

Sjá meira


×

Mest lesið