Mourinho: Það vita allir að hann er ekki Maradona

Marouane Fellaini reddaði Jose Mourinho í Meistaradeildinni um helgina þegar hann tryggði Manchester United 1-0 sigur á Young Boys og um leið sæti í sextán liða úrslitum keppninnar.

Mourinho talaði líka um Belgann á blaðamannafundi fyrir leik liðsins á móti Southampton í ensku úrvalsdeildinni á morgun.

„Fellaini er nú að fá það hrós sem hann á skilið en áður en ég kom þá fékk hann það ekki. Það vita allir að hann er ekki Maradona,“ sagði Jose Mourinho. BBC segir frá.

„Allir vita líka hvernig leikmaður hann er og hvað hann gefur sínu liði. Hann skorar mikilvæg mörk á mikilvægum tímapunktum sem skila dýrmætum sigrum,“ sagði Mourinho og bætti við:

Marouane Fellaini "is not Maradona" but is finally getting credit he deserves, says Jose Mourinho |@DiscoMirrorhttps://t.co/orQhx3OOmVpic.twitter.com/s4EXwjhG8W

— Mirror Football (@MirrorFootball) November 30, 2018

„Ég veit hvaða stöður á vellinum hann getur spilað og hvaða verkefni hann getur tekið að sér,“ sagði Mourinho.

„Hann getur spilað sem þriðji miðvöður, sem framherji og svo sem átta nú þegar hann hefur fundið betra jafnvægi í sínum leik,“ sagði Mourinho.

„Hann er mjög mikilvægur fyrir okkur í báðum vítateigum,“ sagði Mourinho.