Mikið spurt um Conor á blaðamannafundi Gunnars
Gunnar Nelson var búinn með fyrsta kaffibolla dagsins og nokkuð ferskur er hann mætti blaðamannahernum í Toronto í dag.
Eftir svona þrjár spurningar um hann sjálfan var byrjað að spyrja Gunnar út í Conor McGregor. Gunnar gat ekki tekið þátt í undirbúningi Conors fyrir bardagann gegn Khabib Nurmagomedov. Það hefði klárlega hjálpað Íranum mikið að fá aðstoð frá okkar manni.
Gunnar segir það miður að hafa ekki getað hjálpað til vegna meiðsla. Hann lofar því að hjálpa vini sínum er þeir mætast næst. Gunnar sagðist sjá hvar hægt væri að gera betur gegn Khabib.
Annars var Gunnar góður á fundinum og fékk blaðamenn nokkrum sinnum til þess að hlæja dátt.
Vísir er í Toronto og fylgist ítarlega með öllu í aðdraganda UFC 231. Bardagakvöldið með Gunnari er í beinni útsendingu á Stöð 2 Sport á laugardag.
Tengdar fréttir
Gunnar: Þessi bardagi skiptir öllu máli
Það er gríðarlega mikið undir hjá Gunnari Nelson er hann berst gegn Alex Oliveira á laugardag. Tap kastar honum langt aftur í goggunarröðinni en sigur kemur honum aftur í umræðuna í bardaga gegn þeim bestu.
Brasilíski kúrekinn mætti í fullum herklæðum á blaðamannafund
Brasilíumaðurinn Alex Oliveira, andstæðingur Gunnars Nelson um helgina, sló í gegn á fjölmiðladegi UFC í dag enda í skrautlegasta klæðnaðinum.
Telur góðar líkur að hann kýli Oliveira niður og klári í gólfinu
Gunnar Nelson er ekki í neinum vafa um að hann muni hafa betur gegn Alex Oliveira um helgina en hvernig sér hann bardagann fyrir sér?
