Fótbolti

Henderson: Þurfum að halda þessu í okkar höndum

Ástrós Ýr Eggertsdóttir skrifar
Henderson í leiknum í kvöld
Henderson í leiknum í kvöld vísir/getty

Jordan Henderson, fyrirliði Liverpool, var ekki sáttur með tap sinna manna gegn PSG í París í kvöld.

Tapði setur Liverpool í erfiða stöðu fyrir lokaumferð riðlakeppni Meistaradeildar Evrópu, þeir rauðklæddu þurfa að vinna topplið riðilsins, Napólí, til þess að komast áfram.

„Við erum vonsviknir því við teljum okkur vera nógu góða til þess að koma hingað og vinna. Að lokum var þetta ekki okkar kvöld,“ sagði Henderson í leikslok.

„Við fengum vítamínsprautu rétt fyrir hálfleikinn og héldum áfram. Nú er staðan bara þannig að við þurfum að halda þessu í okkar höndum og vinna á Anfield.“

„Við byrjuðum leikinn ekki vel en þeir gerðu það og refsuðu okkur. Við brugðumst vel við og vorum að valda þeim vandræðum alveg til leiksloka,“ sagði Jordan Henderson.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.