Glæsimark Gylfa tilnefnt sem mark mánaðarins

Glæsimark Gylfa Þórs Sigurðssonar sem tryggði Everton sigur gegn Leicester í ensku úrvalsdeildinni er tilnefnt sem mark mánaðarins.

Sky Sports stendur fyrir kosningu um mark októbermánaðar og er mark Gylfa eitt af átta tilnefndum.

Arsenal skoraði mikið af glæsilegum mörkum í mánuðinum og eru þrjú mörk frá þeim tilnefd; mark Aaron Ramsey gegn Fulham, mark Pierre-Emerick Aubameyang gegn Leicester og aukaspyrna Granit Xhaka gegn Crystal Palace síðustu helgi.

Þá eiga Riyad Mahrez, David Brooks, Patrick van Aanholt og Andre Schurrle tilnefningar á listanum.

Þegar þessi frétt er skrifuð er Gylfi með forystuna, hann er með 36 prósent atkvæða gegn 26 prósentum marks Aaron Ramsey.

Hægt er að kjósa mark Gylfa hér.