Vandræði hjá Íslendingaliðunum

Jón Daði Böðvarsson spilaði í rúman klukkutíma er Reading tapaði 2-0 fyrir Birmingham á útivelli í ensku B-deildinni í knattspyrnu.

Markalaust var í hálfleik en Birmingham gerði út um leikinn með mörkum á 49. og 70. mínútu. Jón Daði spilaði í 63 mínútur en hann er að stíga upp úr meiðslum.

Reading er í vandræðum. Liðið er í 21. sæti deildarinnar, einungis tveimur stigum frá fallsæti og liðin fyrir neðan þá eiga leiki til góða.

Birkir Bjarnason var ónotaður varamaður er Aston Villa tapðai 2-1 fyrir Norwich á útivelli. Aston Villa er í sextánda sæti deildarinnar.