Leeds enn taplaust undir stjórn Bielsa

Leeds er enn taplaust undir stjórn Marco Bielsa í ensku B-deildinni en Leeds gerði í kvöld 2-2 jafntefli við Swansea á útivelli.

Swansea, sem féll úr ensku úrvalsdeildinni á síðustu leiktíð, komst yfir á 24. mínútu með marki frá Oliver McBurnie. Hann var á láni hjá Barnsley á síðustu leiktíð og skoraði níu mörk í sautján leikjum.

Kemar Roofe, fyrrum Víkingur, jafnaði á 40. mínútu áður en McBurnie kom Svönunum aftur yfir á 51. mínútu. Ellefum mínútum fyrir leikslok jafnaði Pablo Hernandez í 2-2 og þannig urðu lokatölur.

Leeds er á toppnum ásamt Middlesbrough með tíu stig; þrír sigrar og einn leikur. Góð byrjun hjá hinum fjöruga Bielsa í enska boltanum.

Í öðrum leikjum kvöldsins vann Derby, Frank Lampard og lærisveinar, 2-0 sigur á Ipswich á útivelli. Bristol rúllaði yfir QPR 3-0 og Hull marði Rotherham 3-2 í fjörugum leik.