Stan Collymore tók Víkingaklappið með Tólfunni fyrir utan völlinn | Myndband

Stan Collymore, fyrrverandi leikmaður Liverpool, heldur áfram að fylgjast með ævintýrum íslenska fótboltalandsliðsins en hann er mættur á Spartak-völlinn þar sem okkar menn mæta Argentínu klukkan 16.00.

Collymore gerði þátt um íslenska landsliðið þegar að hann kom til landsins og sá leikinn á móti Kósóvó en sigurinn þar tryggði okkar mönnum sæti á HM.

Nú er hann mættur að fylgjast með strákunum okkar mæta Messi og auðvitað tók hann Víkingaklappið með Tólfunni fyrir utan völlinn eins og sjá má í myndbandi sem hann setti á Twitter-síðu sína rétt áðan.

Fylgstu með beinni textalýsingu Vísis þar sem upphitun er löngu hafin.

Joined the @12Tolfan today and have followed their journey on the night Iceland qualified in Reykjavik. Today, in Moscow, they realise their dream. Great, great people, really hope they go through pic.twitter.com/J7fJOv8QOZ

— Stan Collymore (@StanCollymore) June 16, 2018