Féll fimm sinnum í framhaldsskólastærðfræði en er nú komin á forsetalista HR Kristín Ólafsdóttir skrifar 3. mars 2018 12:30 Til vinstri á mynd má sjá Ingibjörgu á forsetaathöfn við HR nú í febrúar þar sem hún tók við viðurkenningu fyrir góðan námsárangur. Til hægri sést bekkur Ingibjargar úr Mími við útskriftina í sumar. Ingibjörg aldís hilmisdóttir Ingibjörg Aldís Hilmisdóttir prófaði fimm framhaldsskóla, og féll jafnmörgum sinnum í inngangsáfanga í stærðfræði, áður en hún gafst upp og byrjaði að vinna. Árið 2016 settist hún fyrir tilviljun aftur á skólabekk hjá Mími símenntun, kláraði stúdentspróf, hóf nám við Háskólann í Reykjavík og er nú komin á svokallaðan forsetalista sem heiðrar bestu nemendur skólans í hverri deild. Að lokinni BS-gráðu hyggur hún á nám í geimverkfræði. „Ég byrjaði í menntaskóla beint eftir grunnskóla og var dugleg að flakka á milli. Ég held ég hafi verið í fimm eða sex framhaldsskólum allt í allt. Ég vissi ekkert hvað mig langaði að gera og prófaði alls konar, ég fór í myndlist og prófaði svo fatahönnun í FSU,“ segir Ingibjörg í samtali við Vísi.Ingibjörg var fengin til þess að halda ræðu við útskriftina í Mími í byrjun sumars.Ingibjörg ALdís HilmisdóttirStærðfræðin stoppaði hanaHún segist alltaf hafa misst áhugann á skömmum tíma og flosnað upp úr námi. Stærðfræðin hafi enn fremur reynst henni stærsta hindrunin í framhaldsskóla. „Svo var stærðfræðin alltaf að stoppa mig. Ég var búin að fara fimm sinnum í stærðfræði 100 og féll í hvert einasta skipti. Ég var farin að halda að ég væri talnablind eða að stærðfræði væri hreinlega ekki fyrir mig sem mér fannst mjög leiðinlegt vegna þess að ég hafði mestan áhuga á öllu vísindatengdu,“ segir Ingibjörg. „Þannig að það var svona minn draumur að verða vísindamaður en ég þurfti að sætta mig við það að það væri ekki hægt ef ég gæti ekki reiknað „basic“ algebru.“Viðhorfið strax orðið neikvætt í grunnskóla Ingibjörg segist ekki gera sér almennilega grein fyrir hvað hafi valdið því að stærðfræðin hafi reynst henni jafn erfið og raun bar vitni. Hún segir viðhorf sitt til stærðfræðinnar strax hafa orðið neikvætt í barnaskóla og hún svo bitið í sig að fagið hentaði sér ekki. „Ég er svo rosalega þrjósk að ég held ég hafi bitið það í mig að ég gæti þetta ekki og myndi aldrei geta. Þannig að var þrjóska í mér sem lokaði svolítið á þetta,“ segir Ingibjörg. Ingibjörg ákvað að endingu að taka sér frí frá námi og fara út á vinnumarkaðinn. Þá flutti hún einnig að heiman og byrjaði að búa með kærasta sínum sem fyrir tilviljun ákvað að skrá sig í Mími. Ingibjörg fór að fordæmi kærastans og settist aftur á skólabekk haustið 2016 eftir nokkurra ára hlé, staðráðin í því að klára stærðfræðina.Ómetanlegur stuðningur frá kennara „Það er svo ótrúlega frábær stærðfræðikennari hjá Mími, hún Guðný, og hún stappaði í mig stálinu. Hún sagði mér að hætta öllu rugli og hvatti mig áfram í hverjum einasta tíma. „Það er ekkert sem er að stoppa þig nema þú,“ sagði hún og hjálpaði mér í gegnum þetta og það er bara búið að ganga vel síðan,“ segir Ingibjörg sem útskrifaðist í byrjun sumars 2017. „Og ég náði því markmiði sem ég setti mér, að fá 10 í stærðfræði.“Bekkur Ingibjargar, sem sést önnur frá vinstri, í Mími við útskriftina.Ingibjörg ALdís hilmisdóttirAð því búnu skráði Ingibjörg sig í tækni- og verkfræðigrunn við Háskólann í Reykjavík. „Ég ákvað bara að ég gæti þetta víst og ætlaði að láta drauminn rætast, að verða vísindamaður. Ég er þar núna og er að útskrifast þaðan í júní. Svo fer ég beint í vélaverkfræðina í HR,“ segir Ingibjörg.Setur stefnuna hátt, nánar tiltekið út í geim Nú fyrir skömmu fékk Ingibjörg þær fréttir að hún væri komin á forsetalistann svokallaða, heiður sem veittur er efstu 2,5 prósentum nemenda í hverri deild, og fær Ingibjörg því skólagjöldin niðurfelld. Hún stefnir hátt í framtíðinni. „Draumurinn er, þegar ég er búin með BS-gráðuna, að fara erlendis í master í annað hvort geimflaugaverkfræði eða geimverkfræði.“ Þá ítrekar Ingibjörg að margir séu e.t.v. í sömu stöðu og hún var í á menntaskólagöngu sinni. Aðspurð hvort hún búi yfir einhverjum ráðum til þeirra segir Ingibjörg að góðir kennarar og kennsla skipti höfuðmáli. Ekki megi þó gleyma því að treysta á sjálfan sig. „Og svo auðvitað bara – ekki gefast upp! Þetta er spurning um að halda áfram og vera ekki búinn að bíta í sig að maður geti ekki eitthvað af því bara.“ Mest lesið Fannst látinn í klefa sínum á Litla Hrauni Innlent Kveðst ekki svindla á neinum með happdrætti sínu Innlent Skjálfti fannst vel á höfuðborgarsvæðinu Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segja varkárni ávallt hafa verið Haraldi efst í huga Innlent Fleiri fréttir Tilkynnt um reyk í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Sjá meira
Ingibjörg Aldís Hilmisdóttir prófaði fimm framhaldsskóla, og féll jafnmörgum sinnum í inngangsáfanga í stærðfræði, áður en hún gafst upp og byrjaði að vinna. Árið 2016 settist hún fyrir tilviljun aftur á skólabekk hjá Mími símenntun, kláraði stúdentspróf, hóf nám við Háskólann í Reykjavík og er nú komin á svokallaðan forsetalista sem heiðrar bestu nemendur skólans í hverri deild. Að lokinni BS-gráðu hyggur hún á nám í geimverkfræði. „Ég byrjaði í menntaskóla beint eftir grunnskóla og var dugleg að flakka á milli. Ég held ég hafi verið í fimm eða sex framhaldsskólum allt í allt. Ég vissi ekkert hvað mig langaði að gera og prófaði alls konar, ég fór í myndlist og prófaði svo fatahönnun í FSU,“ segir Ingibjörg í samtali við Vísi.Ingibjörg var fengin til þess að halda ræðu við útskriftina í Mími í byrjun sumars.Ingibjörg ALdís HilmisdóttirStærðfræðin stoppaði hanaHún segist alltaf hafa misst áhugann á skömmum tíma og flosnað upp úr námi. Stærðfræðin hafi enn fremur reynst henni stærsta hindrunin í framhaldsskóla. „Svo var stærðfræðin alltaf að stoppa mig. Ég var búin að fara fimm sinnum í stærðfræði 100 og féll í hvert einasta skipti. Ég var farin að halda að ég væri talnablind eða að stærðfræði væri hreinlega ekki fyrir mig sem mér fannst mjög leiðinlegt vegna þess að ég hafði mestan áhuga á öllu vísindatengdu,“ segir Ingibjörg. „Þannig að það var svona minn draumur að verða vísindamaður en ég þurfti að sætta mig við það að það væri ekki hægt ef ég gæti ekki reiknað „basic“ algebru.“Viðhorfið strax orðið neikvætt í grunnskóla Ingibjörg segist ekki gera sér almennilega grein fyrir hvað hafi valdið því að stærðfræðin hafi reynst henni jafn erfið og raun bar vitni. Hún segir viðhorf sitt til stærðfræðinnar strax hafa orðið neikvætt í barnaskóla og hún svo bitið í sig að fagið hentaði sér ekki. „Ég er svo rosalega þrjósk að ég held ég hafi bitið það í mig að ég gæti þetta ekki og myndi aldrei geta. Þannig að var þrjóska í mér sem lokaði svolítið á þetta,“ segir Ingibjörg. Ingibjörg ákvað að endingu að taka sér frí frá námi og fara út á vinnumarkaðinn. Þá flutti hún einnig að heiman og byrjaði að búa með kærasta sínum sem fyrir tilviljun ákvað að skrá sig í Mími. Ingibjörg fór að fordæmi kærastans og settist aftur á skólabekk haustið 2016 eftir nokkurra ára hlé, staðráðin í því að klára stærðfræðina.Ómetanlegur stuðningur frá kennara „Það er svo ótrúlega frábær stærðfræðikennari hjá Mími, hún Guðný, og hún stappaði í mig stálinu. Hún sagði mér að hætta öllu rugli og hvatti mig áfram í hverjum einasta tíma. „Það er ekkert sem er að stoppa þig nema þú,“ sagði hún og hjálpaði mér í gegnum þetta og það er bara búið að ganga vel síðan,“ segir Ingibjörg sem útskrifaðist í byrjun sumars 2017. „Og ég náði því markmiði sem ég setti mér, að fá 10 í stærðfræði.“Bekkur Ingibjargar, sem sést önnur frá vinstri, í Mími við útskriftina.Ingibjörg ALdís hilmisdóttirAð því búnu skráði Ingibjörg sig í tækni- og verkfræðigrunn við Háskólann í Reykjavík. „Ég ákvað bara að ég gæti þetta víst og ætlaði að láta drauminn rætast, að verða vísindamaður. Ég er þar núna og er að útskrifast þaðan í júní. Svo fer ég beint í vélaverkfræðina í HR,“ segir Ingibjörg.Setur stefnuna hátt, nánar tiltekið út í geim Nú fyrir skömmu fékk Ingibjörg þær fréttir að hún væri komin á forsetalistann svokallaða, heiður sem veittur er efstu 2,5 prósentum nemenda í hverri deild, og fær Ingibjörg því skólagjöldin niðurfelld. Hún stefnir hátt í framtíðinni. „Draumurinn er, þegar ég er búin með BS-gráðuna, að fara erlendis í master í annað hvort geimflaugaverkfræði eða geimverkfræði.“ Þá ítrekar Ingibjörg að margir séu e.t.v. í sömu stöðu og hún var í á menntaskólagöngu sinni. Aðspurð hvort hún búi yfir einhverjum ráðum til þeirra segir Ingibjörg að góðir kennarar og kennsla skipti höfuðmáli. Ekki megi þó gleyma því að treysta á sjálfan sig. „Og svo auðvitað bara – ekki gefast upp! Þetta er spurning um að halda áfram og vera ekki búinn að bíta í sig að maður geti ekki eitthvað af því bara.“
Mest lesið Fannst látinn í klefa sínum á Litla Hrauni Innlent Kveðst ekki svindla á neinum með happdrætti sínu Innlent Skjálfti fannst vel á höfuðborgarsvæðinu Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segja varkárni ávallt hafa verið Haraldi efst í huga Innlent Fleiri fréttir Tilkynnt um reyk í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Sjá meira