Sjáðu laumuna hjá Firmino, skelfileg mistök Cech og öll hin mörk gærkvöldins

Liverpool vann tiltölulega þægilegan 3-0 útsigur á Huddersfield í 25. umferð ensku úrvalsdeildarinnar í fótbolta í gærkvöldi en lærisveinar Jürgens Klopps eru nú með 50 stig í fjórða sæti deildarinnar.

Emre Can kom Liverpool yfir með skoti af löngu færi en Roberto Firmino tvöfaldaði forskotið með ansi huggulegri laumu á nærstönginni í uppbótartíma fyrri hálfleiks. Þriðja markið skoraði Mohamed Salah úr vítaspyrnu.

Arsenal er í alls konar vandræðum en liðið tapaði, 3-1, í frumraun Henrikhs Mkhitaryan gegn Swansea á útivelli í gærkvöldi.

Nacho Monreal kom Arsenal yfir en tvö mörk frá Sam Clucas og eitt frá Jordan Ayew eftir skelfileg mistök Petr Cech gengu frá Skyttunum á Liberty-vellinum.

Hér að neðan má sjá öll mörk gærkvöldsins þar sem West Ham og Crystal Palace skildu einnig jöfn, 1-1.

Huddersfield - Liverpool 0-3

Swansea - Arsenal 3-1

West Ham - Crystal Palace 1-1

Uppgjör þriðjudags