Nauðungarvistaðir vegna geðrofs af völdum kannabisneyslu Þorbjörn Þórðarson skrifar 24. október 2018 18:45 Málum þar sem ungir karlmenn eru nauðungarvistaðir vegna geðræns vanda sem er afleiðing kannabisneyslu hefur fjölgað mikið fyrir dómstólum og skipta þau tugum á ári hverju. Þetta segir dómari við Héraðsdóm Reykjavíkur sem hefur haft mörg slík mál til meðferðar. Hann kallar eftir átaki í fræðslu fyrir þennan hóp. Mikil kannabisneysla ungmenna, sérstaklega ungra drengja, er vandamál á Íslandi eins og annars staðar á Vesturlöndum. Hefur kannabisneysla stóraukist ekki síst vegna áhrifa bandarísks afþreyingarefnis sem hefur sýnt kannabisneyslu sem hluta af eðlilegu lífi og þannig normalíserað hana. Þá er dreifing og sala kannabiss í afþreyingarskyni orðin lögleg í Kanada og í níu ríkjum Bandaríkjanna en talið er nær öruggt að þetta muni í fyllingu tímans auka neyslu á kannabisi. Í dag var greint frá því að kannabisneysla ungmenna í Hólavallagarði, gamla kirkjugarðinum við Suðurgötu í Reykjavík, hefði margfaldast að undaförnu og segir umsjónarmaður kirkjugarðsins að hún sé orðin sérstakt vandamál. Hann skrifaði áskorun til foreldra í hópi Vesturbæinga á Facebook og hvatti þá til að ræða þetta við börnin sín. „Síðustu daga hefur algjörlega keyrt um þverbak. Ekki bara að umbúðir eru út um allt heldur eru ungir drengir c.a. 15 ára farnir að mæta í garðinn fyrir hádegið og „fá sér í haus" og finnst það bara allt í lagi. Skora ég á foreldra að setjast niður með börnum sínum og aðeins ræða þessi mál,“ sagði hann. Skúli Magnússon segir að skólayfirvöld og foreldrar verði að virkja samtal við unga drengi um skaðsemi kannabisneyslu. Hann segist skynja að ekki sé nóg gert í skólakerfinu til að ræða tengsl kannabisneyslu og geðrofs.Málin eru nákvæmlega eins Skúli Magnússon hefur í starfi sínu sem dómari við Héraðsdóm Reykjavíkur komið að miklum fjölda nákvæmlega eins mála þar sem ungir karlmenn eru nauðungarvistaðir vegna geðrofs sem er bein afleiðing kannabisneyslu. Skúli skrifaði grein sem birtist í Fréttablaðinu í dag þar sem hann varpaði fram spurningum um hvort ungir karlmenn fengju nægilega mikla fræðslu um tengsl kannabisneyslu og geðrænna vandamála. Málin sem hafa ratað til dómstóla, þar sem ungir karlmenn upp úr tvítugu eru nauðungarvistaðir eða jafnvel lögræðissviptir, eru öll eins. „Þetta voru strákar sem höfðu byrjað í kannabisneyslu 12, 13, 14 ára. Glímdu við vaxandi geðræna erfiðleika og voru komnir í geðrof með mjög alvarleg einkenni fyrir og um tvítugt. Og það þótti fyrirsjáanlegt að í flestum þessara mála væru þessir strákar með varanlega geðsjúkdóma og þyrftu stuðning og jafnvel að vera inni á lokuðum eða hálflokuðum deildum til lengri tíma og stuðning alla sína ævi,“ segir Skúli. Þessi mál hlaup á tugum árlega. Fjölmargar rannsóknir hafa sýnt fram á tengsl kannabisreykinga og geðrofs og er kannabisneysla viðurkennd sem sjálfstæður áhættuþáttur fyrir þróun geðklofa. „Þegar strákar á þessum aldri eru að reykja gras þá er þetta rússnesk rúlletta. Þeir eru í sérstakri og óvenjulegri hættu. Þegar maður fær svona mál sem dómari og lendir í þessari stöðu þá langar manni helst að ganga út af skrifstofunni, ganga í skóla og tala við þessa stráka og biðja þá í öllum Guðs lifandi bænum: Ekki fara að reykja gras! Gerið þá bara frekar eitthvað annað. En það er nú ekki þannig að maður geti gert það. Þannig að maður verður að treysta því að skólayfirvöld, foreldrar og menntayfirvöld séu að gera eitthvað í málinu. Ég er ekki alveg viss um að þau séu að gera allt sem í þeirra valdi stendur þótt að ég sé ekki að vanþakka þá fræðslu sem fer fram,“ segir Skúli. Hann segist vonast til þess að skólayfirvöld og foreldrar standi vaktina. Því virkja þurfi samtal við unga drengi um skaðsemina. „Ég held að það þurfi að smala strákum saman og taka þá út fyrir sviga því þetta er strákamál á þessum aldri. Það þarf að taka þá í sérstökum hópum og ræða við þá einslega.“Sjá má viðtalið við Skúla Magnússon í heild sinni hér fyrir neðan. Mest lesið Brotið á barni með því að loka það inni í einveruherbergi Innlent Öll spjót beinast að ÍBR vegna skipulagsleysis og „rugls í ræsingu“ Innlent Kraftaverk að ekki fór verr þegar bíll hafnaði ofan á tveimur Innlent Leitar kofans sem hvarf í heilu lagi Innlent Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Skiptar skoðanir um stækkun Þjóðleikhússins Innlent Skutu upp flugeldum í minningu Bryndísar Klöru Innlent Fleiri fréttir Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Sjá meira
Málum þar sem ungir karlmenn eru nauðungarvistaðir vegna geðræns vanda sem er afleiðing kannabisneyslu hefur fjölgað mikið fyrir dómstólum og skipta þau tugum á ári hverju. Þetta segir dómari við Héraðsdóm Reykjavíkur sem hefur haft mörg slík mál til meðferðar. Hann kallar eftir átaki í fræðslu fyrir þennan hóp. Mikil kannabisneysla ungmenna, sérstaklega ungra drengja, er vandamál á Íslandi eins og annars staðar á Vesturlöndum. Hefur kannabisneysla stóraukist ekki síst vegna áhrifa bandarísks afþreyingarefnis sem hefur sýnt kannabisneyslu sem hluta af eðlilegu lífi og þannig normalíserað hana. Þá er dreifing og sala kannabiss í afþreyingarskyni orðin lögleg í Kanada og í níu ríkjum Bandaríkjanna en talið er nær öruggt að þetta muni í fyllingu tímans auka neyslu á kannabisi. Í dag var greint frá því að kannabisneysla ungmenna í Hólavallagarði, gamla kirkjugarðinum við Suðurgötu í Reykjavík, hefði margfaldast að undaförnu og segir umsjónarmaður kirkjugarðsins að hún sé orðin sérstakt vandamál. Hann skrifaði áskorun til foreldra í hópi Vesturbæinga á Facebook og hvatti þá til að ræða þetta við börnin sín. „Síðustu daga hefur algjörlega keyrt um þverbak. Ekki bara að umbúðir eru út um allt heldur eru ungir drengir c.a. 15 ára farnir að mæta í garðinn fyrir hádegið og „fá sér í haus" og finnst það bara allt í lagi. Skora ég á foreldra að setjast niður með börnum sínum og aðeins ræða þessi mál,“ sagði hann. Skúli Magnússon segir að skólayfirvöld og foreldrar verði að virkja samtal við unga drengi um skaðsemi kannabisneyslu. Hann segist skynja að ekki sé nóg gert í skólakerfinu til að ræða tengsl kannabisneyslu og geðrofs.Málin eru nákvæmlega eins Skúli Magnússon hefur í starfi sínu sem dómari við Héraðsdóm Reykjavíkur komið að miklum fjölda nákvæmlega eins mála þar sem ungir karlmenn eru nauðungarvistaðir vegna geðrofs sem er bein afleiðing kannabisneyslu. Skúli skrifaði grein sem birtist í Fréttablaðinu í dag þar sem hann varpaði fram spurningum um hvort ungir karlmenn fengju nægilega mikla fræðslu um tengsl kannabisneyslu og geðrænna vandamála. Málin sem hafa ratað til dómstóla, þar sem ungir karlmenn upp úr tvítugu eru nauðungarvistaðir eða jafnvel lögræðissviptir, eru öll eins. „Þetta voru strákar sem höfðu byrjað í kannabisneyslu 12, 13, 14 ára. Glímdu við vaxandi geðræna erfiðleika og voru komnir í geðrof með mjög alvarleg einkenni fyrir og um tvítugt. Og það þótti fyrirsjáanlegt að í flestum þessara mála væru þessir strákar með varanlega geðsjúkdóma og þyrftu stuðning og jafnvel að vera inni á lokuðum eða hálflokuðum deildum til lengri tíma og stuðning alla sína ævi,“ segir Skúli. Þessi mál hlaup á tugum árlega. Fjölmargar rannsóknir hafa sýnt fram á tengsl kannabisreykinga og geðrofs og er kannabisneysla viðurkennd sem sjálfstæður áhættuþáttur fyrir þróun geðklofa. „Þegar strákar á þessum aldri eru að reykja gras þá er þetta rússnesk rúlletta. Þeir eru í sérstakri og óvenjulegri hættu. Þegar maður fær svona mál sem dómari og lendir í þessari stöðu þá langar manni helst að ganga út af skrifstofunni, ganga í skóla og tala við þessa stráka og biðja þá í öllum Guðs lifandi bænum: Ekki fara að reykja gras! Gerið þá bara frekar eitthvað annað. En það er nú ekki þannig að maður geti gert það. Þannig að maður verður að treysta því að skólayfirvöld, foreldrar og menntayfirvöld séu að gera eitthvað í málinu. Ég er ekki alveg viss um að þau séu að gera allt sem í þeirra valdi stendur þótt að ég sé ekki að vanþakka þá fræðslu sem fer fram,“ segir Skúli. Hann segist vonast til þess að skólayfirvöld og foreldrar standi vaktina. Því virkja þurfi samtal við unga drengi um skaðsemina. „Ég held að það þurfi að smala strákum saman og taka þá út fyrir sviga því þetta er strákamál á þessum aldri. Það þarf að taka þá í sérstökum hópum og ræða við þá einslega.“Sjá má viðtalið við Skúla Magnússon í heild sinni hér fyrir neðan.
Mest lesið Brotið á barni með því að loka það inni í einveruherbergi Innlent Öll spjót beinast að ÍBR vegna skipulagsleysis og „rugls í ræsingu“ Innlent Kraftaverk að ekki fór verr þegar bíll hafnaði ofan á tveimur Innlent Leitar kofans sem hvarf í heilu lagi Innlent Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Skiptar skoðanir um stækkun Þjóðleikhússins Innlent Skutu upp flugeldum í minningu Bryndísar Klöru Innlent Fleiri fréttir Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Sjá meira