Líkamsárásir og eignaspjöll í miðborginni í morgun

Lögreglu var tilkynnt um tvær líkamsárásir með stuttu millibili í miðborginni í nótt, þrír aðilar höfðu ráðist á karlmann um klukkan fimm í morgun, þegar lögreglu bar að garði voru ofbeldismennirnir flúnir af vettvangi. Þetta kemur fram í dagbók Lögreglu.

Einn maður var handtekinn vegna annarrar líkamsárásar en þar var þolandi fluttur með sjúkrabíl til skoðunar og aðhlynningar á slysadeild LSH.

Lögregla hafði í nógu að snúast í miðborginni í morgun en tilkynnt var um tvö innbrot í bíla sem og um eignaspjöll á bíl, hafði þar meðal annars verið brotin rúða.