Sjáðu sigurmarkið á St. James' Park

Það var aðeins leikinn einn leikur í ensku úrvalsdeildinni í gær en það var þó nóg um dramatík þegar Wolves sótti Newcastle heim.

Matt Doherty skoraði sigurmarkið í uppbótartíma eftir að skot Diego Jota var varið og hann skallaði boltann í netið. Hann tryggði Wolves þar með annan sigurinn í röð.

Fyrr í leiknum hafði Jota komið Wolves yfir áður en Ayoze Perez jafnaði metin fyrir Newcastle.

Nýliðar Wolves sitja í 10. sæti deildarinnar eftir sigurinn.

Mörkin og öll helstu atvik leiksins má sjá í klippunni hér að neðan.