Upprisa Ross Barkley Benedikt Bóas skrifar 3. nóvember 2018 13:00 Barkley er kominn aftur í enska landsliðið og byrjaði leikina gegn Króatíu og Spáni í Þjóðadeildinni og spilaði vel. Ross Barkley hefur sýnt það í upphafi tímabilsins að það er kannski eitthvað til í því að hann sé góður í fótbolta. Barkley var talinn einn efnilegasti leikmaður Englands samkvæmt fjölmiðlum og var mikið látið með unga guttann frá Liverpool. Meistarinn frá Katalóníu, Xavi, sagði árið 2014 að hann gæti vel spilað fyrir Barcelona. Svo góður væri hann. Barkley gekk í raðir Chelsea frá Everton í janúar og fann sig ekki undir stjórn Antonio Conte. Ferill hans byrjaði ekki sérstaklega vel hjá Chelsea því fyrsti leikur hans var gegn Arsenal 25. janúar og Barkley komst á bekkinn. Brassinn magnaði, Willian, meiddist eftir hálftíma leik. Barkley var settur inn á og strögglaði enda hafði hann verið meiddur í rúmar átta vikur á undan. Eftir leikinn sagði Conte: „Það er ekki auðvelt þegar einn besti leikmaðurinn þinn meiðist og það eina sem ég hafði á bekknum var Ross Barkley.“ Fjölmiðlar tóku einnig eftir því að Barkley var lengi að koma inn á. Þegar Willian meiddist og lagðist í grasið byrjaði Barkley að hita upp. Conte vildi setja hann strax inn á en Barkley tók sinn tíma í upphitunina. Alls öskraði Conte á hann tíu sinnum að gera sig kláran. Conte er ekki sá þolinmóðasti og blaðamaðurinn Paul Brown, sem sat nálægt, tísti um að Conte hefði tekið hárþurrkuna á Barkley. Aðrir fjölmiðlamenn á leiknum tístu um að Barkley hefði tekist hið ótrúlega. Að fá skömm í hattinn áður en hann snerti boltann.Barkley er kominn aftur í enska landsliðið eftir fjarveru. Hann lék sinn fyrsta landsleik haustið 2013 og var í enska hópnum sem fór á HM 2014.Þar með var ferill Barkleys nánast búinn hjá Chelsea áður en hann byrjaði. Vissulega spiluðu meiðsli einnig inn í. En Barkley þraukaði og Conte var rekinn. Annar Ítali, Maurizio Sarri, var ráðinn og Barkley var staðráðinn í að sanna að það væru enskir töfrar í skónum. Eðlilega var hann ekki valinn í HM-hóp Englands en nýtti sumarið til vinnu. Hann slakaði lítið á heldur fékk þrekþjálfara Chelsea til að vera með sig í prógrammi og horfði á leiki með Napoli. Hann hefur nefnilega aldrei verið þekktur fyrir sitt vinnuframlag inni á vellinum en glöggir áhorfendur tóku eftir því eftir leikinn gegn Burnley að hann hljóp rétt undir 12 kílómetrum og var nánast jafn N’Golo Kante. Þegar tölfræði hans er skoðuð kemur í ljós að hann er að hlaupa um einum og hálfum kílómetra lengra í hverjum leik með Chelsea á þessu tímabili en hann gerði hjá Everton. Með betra formi virðist Barkley líka taka betri ákvarðanir inni á vellinum. Það er ekki langt, rúmt eitt og hálft ár, síðan knattspyrnuspekingurinn Graeme Souness sagði hann vera eins og barn á leikvelli. Í raun væri allt sem hann gerði rangt. „Hann rekur boltann þegar hann á að senda boltann og sendir hann þegar hann á að rekja boltann. Ákvörðunartaka hans er átakanleg,“ sagði Souness og dró hvergi undan, ekki frekar en fyrri daginn.Ross Barkley gæti orðið gríðarlega mikilvægur fyrir enska landsliðið á komandi árum sagði Jamie Carragher í þættinum Monday Night Football á mánudaginn.Þótt hann sé ekki alltaf í byrjunarliðinu hefur Barkley komið við sögu í flestum leikjum Chelsea á tímabilinu. Og hann spilar alltaf betur og betur. Barkley hefur skorað í síðustu þremur leikjum Chelsea í ensku úrvalsdeildinni, síðasti enski leikmaðurinn sem gerði það í búningi Chelsea var sjálfur Frank Lampard. Barkley er eins og flestir vita með gamla númerið hans Lampards og hver veit nema hann gæti orðið jafn stórt nafn og Lampard á Stamford Bridge. Það eru nefnilega ekki mörg mörkin sem aðrir miðjumenn Chelsea munu skora í vetur. Það er staðfest. Kante mun ekki skora mörg og Íslandsvinurinn Jorginho er ekki mikið að pota inn mörkum. Mateo Kovacic hefur skorað 13 mörk í deildarkeppnum á ferlinum og þá eru ekki margir eftir. Barkley þarf því að skora og helst komast yfir 15 mörk ef Chelsea ætlar að eiga raunhæfan möguleika á titlinum. Því ekki eru framherjarnir heldur að skora. Barkley hefur skorað mest átta mörk á tímabili. Það var tímabilið 2015/2016. Boltinn sem Sarri vill spila virðist henta Barkley ágætlega. Þó að Sarri eigi vissulega einhvern hlut að máli þá var það Barkley sjálfur sem ákvað að taka örlögin í sínar hendur og lagði eitthvað á sig. Kom í góðu standi á undirbúningstímabilið og vissi hvað Sarri væri að meina. Það er því honum sjálfum að þakka að það gengur betur núna en áður. Birtist í Fréttablaðinu Mest lesið Varð að þegja yfir samningnum við Barcelona í margar vikur Handbolti Félagið neitar að borga svo Amorim opnar veskið Enski boltinn Þeir bestu (40.-31. sæti): Gullfundur í Góða hirðinum, galdurinn í Garðabænum og költhetjan Íslenski boltinn Sonur Ronaldo spilaði fyrsta landsleikinn fyrir Portúgal Fótbolti Awoniyi sofandi á gjörgæslu og gengst undir aðra aðgerð í dag Enski boltinn Sunderland sló áhorfendamet á leiðinni í úrslitaleikinn Enski boltinn Slógu toppliðið út og komust í austur úrslitin annað árið í röð Körfubolti Myndaveisla: Haukar Íslandsmeistarar eftir ótrúlegan oddaleik Körfubolti Dagskráin í dag: Úrslitaeinvígið og Benóný Breki Sport Uppgjörið: Haukar - Njarðvík 92-91 | Haukar Íslandsmeistarar 2025 Körfubolti Fleiri fréttir Sunderland sló áhorfendamet á leiðinni í úrslitaleikinn Awoniyi sofandi á gjörgæslu og gengst undir aðra aðgerð í dag Félagið neitar að borga svo Amorim opnar veskið Kvennalið Everton mun spila á Goodison sem verður ekki rifinn Man City sagt hafa lagt fram „mega“ tilboð í Wirtz Amorim gefur í skyn að hann fari frá Man Utd breytist kúltúrinn ekki Leiður að heyra púað á vin sinn: „Getur ekki sagt fólki hvernig því á að líða“ Eigandi Nott. Forest reifst við Nuno þjálfara inn á vellinum Pirruð Man City stjarna: „Þeir reyndu ekki einu sinni að vinna“ Arsenal kom til baka á móti meisturunum á Anfield Newcastle upp í þriðja sætið eftir sigur á Chelsea Enn eitt tapið á Old Trafford Palace fór létt með Tottenham sem hvíldi marga „Snýst um félagið, liðið og hvað við áorkum saman“ Hæstánægður með að Dýrlingarnir séu ekki lélegasta lið sögunnar Watkins hélt Meistaradeildardraum Villa á lífi „Vörðust og vörðust meira ásamt því að tefja tímann“ Man. City tapaði mjög óvænt stigum á móti botnliðinu Haaland hreinskilinn: Ég hef ekki verið nægilega góður Vill að Arsenal neiti að standa heiðursvörð fyrir Liverpool Arteta varar Arsenal fólk við: Erfiðasta staðan að fylla Arne Slot vonsvikinn með Trent Alexander-Arnold Mac Allister besti leikmaðurinn í fyrsta sinn Salah valinn bestur af blaðamönnum Fótboltaparið eignaðist son og skírði hann Jagger Tilbúinn að gefa nýrun sín en ekki að leigja bílaleigubíl „Hverjum er ekki sama þó við séum í veseni í deildinni“ „Liðið ætti að vera betra en það er en við erum að reyna“ Sheffield United með gott forskot í umspili Championship Rio Ferdinand lagður inn á sjúkrahús Sjá meira
Ross Barkley hefur sýnt það í upphafi tímabilsins að það er kannski eitthvað til í því að hann sé góður í fótbolta. Barkley var talinn einn efnilegasti leikmaður Englands samkvæmt fjölmiðlum og var mikið látið með unga guttann frá Liverpool. Meistarinn frá Katalóníu, Xavi, sagði árið 2014 að hann gæti vel spilað fyrir Barcelona. Svo góður væri hann. Barkley gekk í raðir Chelsea frá Everton í janúar og fann sig ekki undir stjórn Antonio Conte. Ferill hans byrjaði ekki sérstaklega vel hjá Chelsea því fyrsti leikur hans var gegn Arsenal 25. janúar og Barkley komst á bekkinn. Brassinn magnaði, Willian, meiddist eftir hálftíma leik. Barkley var settur inn á og strögglaði enda hafði hann verið meiddur í rúmar átta vikur á undan. Eftir leikinn sagði Conte: „Það er ekki auðvelt þegar einn besti leikmaðurinn þinn meiðist og það eina sem ég hafði á bekknum var Ross Barkley.“ Fjölmiðlar tóku einnig eftir því að Barkley var lengi að koma inn á. Þegar Willian meiddist og lagðist í grasið byrjaði Barkley að hita upp. Conte vildi setja hann strax inn á en Barkley tók sinn tíma í upphitunina. Alls öskraði Conte á hann tíu sinnum að gera sig kláran. Conte er ekki sá þolinmóðasti og blaðamaðurinn Paul Brown, sem sat nálægt, tísti um að Conte hefði tekið hárþurrkuna á Barkley. Aðrir fjölmiðlamenn á leiknum tístu um að Barkley hefði tekist hið ótrúlega. Að fá skömm í hattinn áður en hann snerti boltann.Barkley er kominn aftur í enska landsliðið eftir fjarveru. Hann lék sinn fyrsta landsleik haustið 2013 og var í enska hópnum sem fór á HM 2014.Þar með var ferill Barkleys nánast búinn hjá Chelsea áður en hann byrjaði. Vissulega spiluðu meiðsli einnig inn í. En Barkley þraukaði og Conte var rekinn. Annar Ítali, Maurizio Sarri, var ráðinn og Barkley var staðráðinn í að sanna að það væru enskir töfrar í skónum. Eðlilega var hann ekki valinn í HM-hóp Englands en nýtti sumarið til vinnu. Hann slakaði lítið á heldur fékk þrekþjálfara Chelsea til að vera með sig í prógrammi og horfði á leiki með Napoli. Hann hefur nefnilega aldrei verið þekktur fyrir sitt vinnuframlag inni á vellinum en glöggir áhorfendur tóku eftir því eftir leikinn gegn Burnley að hann hljóp rétt undir 12 kílómetrum og var nánast jafn N’Golo Kante. Þegar tölfræði hans er skoðuð kemur í ljós að hann er að hlaupa um einum og hálfum kílómetra lengra í hverjum leik með Chelsea á þessu tímabili en hann gerði hjá Everton. Með betra formi virðist Barkley líka taka betri ákvarðanir inni á vellinum. Það er ekki langt, rúmt eitt og hálft ár, síðan knattspyrnuspekingurinn Graeme Souness sagði hann vera eins og barn á leikvelli. Í raun væri allt sem hann gerði rangt. „Hann rekur boltann þegar hann á að senda boltann og sendir hann þegar hann á að rekja boltann. Ákvörðunartaka hans er átakanleg,“ sagði Souness og dró hvergi undan, ekki frekar en fyrri daginn.Ross Barkley gæti orðið gríðarlega mikilvægur fyrir enska landsliðið á komandi árum sagði Jamie Carragher í þættinum Monday Night Football á mánudaginn.Þótt hann sé ekki alltaf í byrjunarliðinu hefur Barkley komið við sögu í flestum leikjum Chelsea á tímabilinu. Og hann spilar alltaf betur og betur. Barkley hefur skorað í síðustu þremur leikjum Chelsea í ensku úrvalsdeildinni, síðasti enski leikmaðurinn sem gerði það í búningi Chelsea var sjálfur Frank Lampard. Barkley er eins og flestir vita með gamla númerið hans Lampards og hver veit nema hann gæti orðið jafn stórt nafn og Lampard á Stamford Bridge. Það eru nefnilega ekki mörg mörkin sem aðrir miðjumenn Chelsea munu skora í vetur. Það er staðfest. Kante mun ekki skora mörg og Íslandsvinurinn Jorginho er ekki mikið að pota inn mörkum. Mateo Kovacic hefur skorað 13 mörk í deildarkeppnum á ferlinum og þá eru ekki margir eftir. Barkley þarf því að skora og helst komast yfir 15 mörk ef Chelsea ætlar að eiga raunhæfan möguleika á titlinum. Því ekki eru framherjarnir heldur að skora. Barkley hefur skorað mest átta mörk á tímabili. Það var tímabilið 2015/2016. Boltinn sem Sarri vill spila virðist henta Barkley ágætlega. Þó að Sarri eigi vissulega einhvern hlut að máli þá var það Barkley sjálfur sem ákvað að taka örlögin í sínar hendur og lagði eitthvað á sig. Kom í góðu standi á undirbúningstímabilið og vissi hvað Sarri væri að meina. Það er því honum sjálfum að þakka að það gengur betur núna en áður.
Birtist í Fréttablaðinu Mest lesið Varð að þegja yfir samningnum við Barcelona í margar vikur Handbolti Félagið neitar að borga svo Amorim opnar veskið Enski boltinn Þeir bestu (40.-31. sæti): Gullfundur í Góða hirðinum, galdurinn í Garðabænum og költhetjan Íslenski boltinn Sonur Ronaldo spilaði fyrsta landsleikinn fyrir Portúgal Fótbolti Awoniyi sofandi á gjörgæslu og gengst undir aðra aðgerð í dag Enski boltinn Sunderland sló áhorfendamet á leiðinni í úrslitaleikinn Enski boltinn Slógu toppliðið út og komust í austur úrslitin annað árið í röð Körfubolti Myndaveisla: Haukar Íslandsmeistarar eftir ótrúlegan oddaleik Körfubolti Dagskráin í dag: Úrslitaeinvígið og Benóný Breki Sport Uppgjörið: Haukar - Njarðvík 92-91 | Haukar Íslandsmeistarar 2025 Körfubolti Fleiri fréttir Sunderland sló áhorfendamet á leiðinni í úrslitaleikinn Awoniyi sofandi á gjörgæslu og gengst undir aðra aðgerð í dag Félagið neitar að borga svo Amorim opnar veskið Kvennalið Everton mun spila á Goodison sem verður ekki rifinn Man City sagt hafa lagt fram „mega“ tilboð í Wirtz Amorim gefur í skyn að hann fari frá Man Utd breytist kúltúrinn ekki Leiður að heyra púað á vin sinn: „Getur ekki sagt fólki hvernig því á að líða“ Eigandi Nott. Forest reifst við Nuno þjálfara inn á vellinum Pirruð Man City stjarna: „Þeir reyndu ekki einu sinni að vinna“ Arsenal kom til baka á móti meisturunum á Anfield Newcastle upp í þriðja sætið eftir sigur á Chelsea Enn eitt tapið á Old Trafford Palace fór létt með Tottenham sem hvíldi marga „Snýst um félagið, liðið og hvað við áorkum saman“ Hæstánægður með að Dýrlingarnir séu ekki lélegasta lið sögunnar Watkins hélt Meistaradeildardraum Villa á lífi „Vörðust og vörðust meira ásamt því að tefja tímann“ Man. City tapaði mjög óvænt stigum á móti botnliðinu Haaland hreinskilinn: Ég hef ekki verið nægilega góður Vill að Arsenal neiti að standa heiðursvörð fyrir Liverpool Arteta varar Arsenal fólk við: Erfiðasta staðan að fylla Arne Slot vonsvikinn með Trent Alexander-Arnold Mac Allister besti leikmaðurinn í fyrsta sinn Salah valinn bestur af blaðamönnum Fótboltaparið eignaðist son og skírði hann Jagger Tilbúinn að gefa nýrun sín en ekki að leigja bílaleigubíl „Hverjum er ekki sama þó við séum í veseni í deildinni“ „Liðið ætti að vera betra en það er en við erum að reyna“ Sheffield United með gott forskot í umspili Championship Rio Ferdinand lagður inn á sjúkrahús Sjá meira
Þeir bestu (40.-31. sæti): Gullfundur í Góða hirðinum, galdurinn í Garðabænum og költhetjan Íslenski boltinn
Þeir bestu (40.-31. sæti): Gullfundur í Góða hirðinum, galdurinn í Garðabænum og költhetjan Íslenski boltinn