Özil hefur sagt samherjunum að hann sé á leið til United

Mesut Özil hefur tjáð samherjum sínum hjá Arsenal að hann sé á förum til Manchester United. Þetta er fullyrt í frétt Mirror.

Samningur Özils rennur út næsta sumar og í síðustu viku talaði Arsene Wenger, knattspyrnustjóri Arsenal, um að félagið gæti selt hann í janúar.

Özil þekkir vel til Josés Mourinho, stjóra United, en hann lék undir hans stjórn hjá Real Madrid.

Özil hefur ekki fundið sig á þessu tímabili og virkað áhugalaus á köflum. Í frétt Mirror segir að áhugi Arsenal á að halda Þjóðverjanum sé mun minni en hann var.