Innlent

Alda Hrönn fær öll gögnin afhent

Kolbeinn Tumi Daðason skrifar
Alda Hrönn Jóhannesdóttir rannsakaði mál lögreglumanns án þess að hafa skriflega heimild fyrir því frá rikissaksóknara.
Alda Hrönn Jóhannesdóttir rannsakaði mál lögreglumanns án þess að hafa skriflega heimild fyrir því frá rikissaksóknara. Vísir
Hæstiréttur hefur staðfest úrskurð Héraðsdóms Reykjavíkur þess efnis að Alda Hrönn Jóhannesdóttir, aðstoðarlögreglustjóri og yfirlögfræðingur hjá lögreglunni á höfuðborgarsvæðinu, fái afhent gögn héraðssaksóknara máli sem embættið hafði til rannsóknar. Málið sneri að meintum brotum Öldu Hrannar, misbeitingu valds, í starfi við rannsókn á svokölluðu Löke-máli.

Meðal gagna eru vitnaskýrslur yfir lögreglumönnum, afrit af framburðarskýrslu hennar og öll rannsóknargögn málsins.

Braut gegn þagnarskyldu

 Tveir sakborningar í LÖKE-málinu, fyrrverandi starfsmaður NOVA og lögreglumaðurinn Gunnar Scheving Thorsteinsson, kærðu Öldu Hrönn fyrir rangar sakargiftir og meint brot hennar í starfi þegar málið var til rannsóknar en Alda Hrönn gegndi þá stöðu yfirlögfræðings lögreglunnar á Suðurnesjum sem fór með rannsókn málsins. 

 Í Hæstarétti var Gunnar sakfelldur fyrir að brjóta gegn þagnarskyldu opinberra starfsmanna er hann miðlaði upplýsingum til þriðja aðila sem leynt áttu að fara en honum var hins vegar ekki gerð refsing. 

 Alda, sem var sett í ótímabundið leyfi í október þegar málið, hefur frá upphafi neitað sök í málinu. Hún hafði farið fram á að fá gögnin afhent þegar málið var til rannsóknar en þeirri beiðni var synjað af embættinu á grundvelli rannsóknarhagsmuna. 

 Málið var fellt niður hjá héraðssaksóknara í desember og sagði Alda Hrönn að málið hefði reynst sér mjög erfitt.

 „Ég hef unnið vinnuna mína að mínu mati mjög samviskusamlega og samkvæmt lögum alla tíð. Það er mjög sárt að hafa lagt sig 150 eða 200 prósent fram í langan tíma og verið síðan settur til hliðar fyrir eitthvað sem maður veit að er ekki satt.“

Víkur ekki frá störfum

 Lögreglumennirnir kærðu ákvörðun héraðssaksóknara til ríkissaksóknara sem sneri við ákvörðun setts héraðssaksóknara. Var ástæðan sú að lögreglufulltrúi sem aðstoðaði Lúðvík Bergvinsson, settan héraðssaksóknara, við rannsókn málsins var metinn vanhæfur vegna ummæla sem hann lét falla á Facebook nokkrum dögum eftir að málið var fellt niður.

 Deilt er um hvort Alda Hrönn hafi haft vald til þess að hefja rannsókn á samskiptum lögreglumannsins. Málið var fyrst skráð í apríl 2014 í skráarkerfi lögreglu en rannsókn Öldu Hrannar hófst hins vegar að öllum líkindum í byrjun september árið áður. Samkvæmt lögreglulögum hafi hún ekki haft vald til að rannsaka störf lögreglumanns, aðeins ríkissaksóknari hafi haft það vald.

 Alda Hrönn mun ekki víkja frá störfum hjá lögreglunni á höfuðborgarsvæðinu á meðan málið er til rannsóknar hjá settum héraðssaksóknara.

Dóm Hæstaréttar má lesa hér.


Tengdar fréttir

Kæra á hendur Öldu Hrönn felld niður

Ekki eru líkur á sakfellingu að mati Lúðvíks Bergvinssonar, setts héraðssaksóknara í máli aðallögfræðings lögreglustjórans á höfuðborgarsvæðingu. Verður áfrýjað segir Garðar Steinn Ólafsson, lögmaður kæranda.

Alda Hrönn á fullum launum á meðan rannsókn stendur yfir

Laun Öldu Hrannar Jóhannsdóttur aðallögfræðings lögreglunnar á höfuðborgarsvæðinu eru óskert þrátt fyrir að hún sé nú í ótímabundnu leyfi frá störfum vegna rannsóknar Lúðvíks Bergvinssonar setts héraðssaksóknara á meintum brotum Öldu Hrannar í starfi.

Mest lesið


Fleiri fréttir

Sjá meira


×

Mest lesið