Risasigur hjá Grindvíkingum

Grindavík vann afar mikilvægan sigur, 2-1, á Fylki í Pepsi-deild kvenna í kvöld.

Þarna mættust liðin í næstneðsta og þriðja neðsta sæti deildarinnar.

Markalaus var í leikhléi en Carolina Mendes kom Grindavík yfir í upphafi síðari hálfleiks. Grindavík var nánast enn að fagna markinu er Thelma Lóa Hermannsdóttir jafnaði fyrir Fylki.

Markvörður Fylkis, Ásta Vigdís Guðlaugsdóttir, varð svo fyrir því óláni að skora sjálfsmark hálftíma fyrir leikslok og þar við sat.

Grindavík komst upp í sjöunda sæti deildarinnar með sigrinum en Fylkir er eftir sem áður í næstneðsta sæti.

Upplýsingar um markaskorara: fótbolti.net.