Eiður Smári kann enn að skora mörk │ Myndband

Eiður Smári Guðjohnsen tók fram fótboltaskóna að nýju á dögunum.

Fyrrum landsliðsmaðurinn, og að margra mati besti knattspyrnumaður Íslandssögunnar, gaf það út í viðtali við Guðmund Benediktsson í haust að hann væri hættur í fótbolta.

Hann kann þó enn ýmislegt fyrir sér þó að keppnisferillinn sé búinn, og mun væntanlega vera út ævina að leika sér með knöttinn.

Eiður tók þátt í verkefni á vegum Sure, styrktaraðilum Chelsea, þar sem hann og fleiri fyrrum leikmenn Chelsea tóku þátt í skotkeppni.

Eiður gerði sér lítið fyrir og smellti boltanum laglega í samskeytin, en hann setti myndband af þessu á Twitter í dag.

Rolled back the years for @Sure Pressure Series Season II Legends Edition. Look at the volley #NeverMoreSurepic.twitter.com/J0UAB3eiFW

— Eidur Gudjohnsen (@Eidur22Official) December 18, 2017